Albania

Basha i jep hua Presidentit mjekët e partisë, për një takim mbi pandeminë

Lulzim Basha sot ka qenë në Shkodër, prej ku ka sulmuar sërish qeverinë. Por mjekët e oborrit të tij, nuk e kanë patur pushim.

Ata janë mbledhur nga Presidenti i Republikës, për të zhvilluar edhe ai një takim me mjekë në lidhje me pandeminë.

Në takimin e zhvilluar nga Meta, kanë qenë të pranishëm Tritan Shehu, ish Ministër i Shëndetësisë në kohën e qeverive të Sali Berishës, i cili në mjediset mjekësore mbahet mend si ministri që pati idenë “brilante” të reduktimit në maksimum, apo edhe eleminimit të Shërbimit Infektiv në QSUT.

I pranishëm ka qenë edhe Erion Dasho, një mjek i specializuar në okulistikë, që siç ka shpjeguar Drejtori i Urgjencës Kombëtare, ka punuar për një kohë të gjatë si shofer. Dasho është atashuar pranë selisë së Partisë Demokratike, dhe ka spikatur gjatë këtyre kohëve të pandemisë, për sulmet e egra që ka adresuar në adresë të anëtarëve të Komitetit Teknik të Ekspertëve, si dhe kolegëve të tij që u shërbejnë në pavijone të sëmurëve Covid.

I pranishëm a qenë edhe mjeku i LSI-së, Petrit Vasili, edhe ky ish Ministër i Shëndetësisë në kohën e qeverisë Berisha-Meta, dhe që mbahet mend për deklaratat që mohonin ekzistencën e epidemive në Shqipëri, edhe pse pamjet e televizioneve në spitale tregonin shtime të dukshme të numrave të pacientëve. Vetë Vasili e kaloi kohët e fundit Covid, nuk dihet për shkak të shoqërimit të vazhdueshëm me kryetaren e Partisë së tij, Monika Kryemadhi apo jo.

Sot është dita e tretë që Kryetari i PD dhe opozita në përgjithësi, përpiqen të zbusin efektin bumerang që u shkaktoi loja e javës së kaluar me të vdekurit dhe fotografitë e dala nga morgu, të cilat Lulzim Basha u kujdes personalisht të shpërndahen, ndërkohë që ato u publikuan edhe nga eksponentë shumë pranë LSI-së.

Reagimi i mjekëve që shërbejnë në Shërbimin Infektiv ka detyruar me sa duket, Bashën dhe Metën, që të koordinojnë veprimet dhe daljet publike dhe t’i huazojnë njëri-tjetrit mjekë figurantë për takimet e tyre publike.

Football news:

Kramaric scored the 74th goal in the Bundesliga, breaking Olic's record among Croats
Suarez has 12 goals in his first 15 games for Atletico - the best start in La Liga for a new club since Ronaldo
16-year-old Small - the youngest player in the history of Everton
Solskjaer on 3-2 with Liverpool: Manchester United won on their own terms. It's a good feeling
Hames scored 10 (3+7) points in Everton's home matches. Away - 0
Suarez scored his 12th goal of the La Liga season. Messi has 11
Miller on the Manchester United defeat: Devastated. There is no second chance in knockout football