logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
star Bookmark: Tag Tag Tag Tag Tag
Albania

Demokracia e brendshme e partive, shkaku i amullisë

Nga Ben Andoni

Me gjithë përfoljet e mëdha që i janë bërë procesit të 30 Qershorit, mënyrës sesi u organizuan zgjedhjet, por edhe dorëheqjes së fundit të ish-kandidatit të Shkodrës, Shqipëria gjendet përballë një amullie moskuptimi se nga vinë realisht këto parregullsi.

Për opozitën është e qartë: Partia Socialiste është e korruptuar, kriminele dhe nuk di të bëjë zgjedhje, por edhe kur i bën si këto të fundit do të jenë me parregullsi; kurse kjo e fundit e ka të qartë se nuk hyjnë në zgjedhje ata që e dinë se do të humbin dhe që kanë shumë gjynahe për vendin. Loja e përgjegjësive shkon nga një fushë në tjetrën por ajo që është e qartë për dy forcat kryesore është se të dy akuzojnë për t’u shfajsuar.

Në vitet e fundit megjithëse mënyrat e vëzhgimit të zgjedhjeve janë sofistikuar pa fund, sërish të dy partitë kanë dhe paraqesin probleme, por më së shumti ai që është më i madhi ka të bëjë me përballjen e këtyre partive ndaj demokracisë së tyre.

Të mjafton të shikosh ankesat që nuk bëhen më në kanale partiake dhe mënyrën sesi shprehen ish-eksponentë të dy partive të kuptosh se demokracia nuk funksionon në as edhe një nga formacionet politike. Kur i shton dhe transparencën e financimeve atëherë rebusi shtohet. Ato nuk duan ose edhe më saktë duhet thënë janë krejt “të pazonjat” për të filtruar individët pozitivë, që mund të çojnë idetë e programeve respektive përpara.

Tek PS-ja, që pas fitores në zgjedhjet e përgjithshme të vitit 2013, nuk ka zgjedhje të brendshme dhe as mundësi ankimimi për problematika. Me deklamimin se ai që fiton zgjedhjet nuk ka pse të votohet, kryeministri e ka kthyer Partinë Socialiste në një njësi amorfe pa votime, që me shumë gjasa do të ketë një bjerrje të frikshme pas zgjedhjeve të ardhshme dhe humbje identiteti.

Për Partinë Demokratike mund të thuash të njëjtën gjë me mënyrën aspak të fisme sesi ka vepruar kryetari aktual, humbës gati në të gjitha zgjedhjet dhe betejat politike, por edhe rrugën e tëposhtë ku po e çon formacionin e tij politik.

Në të dyja partitë, mbledhjet e strukturave dhe caktimi i eprorëve janë të përcaktuar që më parë prej preferencave të Rama-Bashës, ashtu si katapultimet në karrierë mbesin në dorë të dy shefave. Dhe, ndaj ndodh që rasti i Valdrin Pjetrit sot të përballë një paradoks të madh, sesi u promovua nga PD-ja, megjithëse ia dinte skedën dhe po ashtu u rimor nga socialistët për një nga Bashkitë me problematike në vend.

Sikur të dy partitë të funksiononin normal dhe filtrimi të bëhej nga strukturat, që nga ana e tyre të respektonin kanonet e partisë, njerëz të tillë nuk do ishin fare në politikë ose nuk do guxonin të ishin aty. Ndaj Basha dhe Rama na i kurseni këto shfaqje paditurie dhe shfajësimi. E keni zbritur vendin në nivel demokracie parak, duke e turpëruar realisht nivelin ku ka arritur Shqipërinë, thjesht ngaqë nuk respektoni së pari strukturat e partive tuaja, ato që i keni rrënuar për interesat tuaja të vogla, duke i kthyer në detashmente Yes-men. (Javanews)

All rights and copyright belongs to author:
Themes
ICO