Albania

Opozita bllokon ndryshimet e rregullores për punë të Kuvendit me rreth 3.000 amendamente

Ndryshimet e rregullores së Kuvendit me të cilën do t’ju mundësohet deputetëve të infektuar me corona virus të votojnë online janë bllokuar me rreth 3000 amendamente të partive opozitare. Nga VMRO – DPMNE kanë dorëzuar 1350 amendamente, Levica rreth 1300 dhe Aleanca për Shqiptarët dhe Alternativa 400 amendamente. Të punësuarit e Kuvendit duhet t’i arkivojnë amendamentet e dorëzuara, më pas të njëjtat duhet të përkthehen, të skenohen dhe të ngarkohen në sistemin elektronik të Kuvendit, që në fund të vendosen për shqyrtim para deputetëve. Duke pasur parasysh vëllimin e amendamenteve, procesi do të zgjatë me ditë, transmeton Portalb.mk.

Opozita ka paralajmëruar edhe më herët, se është kundër që Kuvendi të punojë online. Sipas tyre, me këtë propozim pushteti e dëmton besimin reciprok edhe ashtu të brishtë.

Nga pushteti insistojnë që Kuvendi të mbetet funksional dhe rikujtojnë se muajin e kaluar gjashtë deputetë ishin të sëmurë në të njëjtën periudhë, ndërsa askush nuk mund të dijë se sa deputetë mund të sëmuren në të ardhmen. Amendamentet e opozitës i cilësojnë si obstruksion.

Propozimi për plotësim të Rregullores së Kuvendit duhet të mundësojë që deputetët që janë në izolim për shkak se janë infektuar me Covid-19, apo kanë pasur kontakt me person me test pozitiv të mund të kyçen në punë në Kuvend nga distanca apo online..

Ky vendim, siç tha kryetari i Kuvendit Talat Xhaferi duke sqaruar propozimin para deputetëve, nuk do të ndryshojë mënyrën e deritanishme të punës, por vetëm do të mundësojë që këto deputetë të mund të kyçen në punën e Kuvendit, ndërsa me atë do të mundësohet që ai të jetë tërësisht funksionale.

Football news:

Hertha's sporting director loves signing players. Just look at his smile!
Rooney confirmed as Derby County head coach
Barca's presidential election will not take place on January 24 due to anti-coronavirus restrictions
Zlatan on Covid: I tried to train at home, but immediately felt tired
Bayern are Interested in Militao as a replacement for Alaba. The Brazilian has 3 matches for Real Madrid this season
Fiorentina Interested in Odriosola. The defender of Real Madrid played 1 match in the season
Pavlyuchenko on Tottenham: At first, my English was zero. When I drank a beer, I had good English, Spanish, and Portuguese