Albania

Situata e krimit, policia gjen si zgjidhje postblloqet për të kapur vrasësit

Atentate me eksploziv në limitet e një akti terrorist, ekzekutime mafioze e deri te vrasje me thikë apo dhe ato për motive banale kanë tronditur kohët e fundit opinionin publik, ndërsa policia për të ndalur këtë valë krimi ngre postblloqe.

Përgjatë ditëve të fundit janë ngritur një sërë pikash kontrolli, ku janë organizuar 86 të tilla dhe janë arrestuar 22 persona. Preng Gjini i mbijetoi një atentati me eksploziv të kontrolluar në Tiranë. Ngjarja e rëndë ndodhi në afërsi të ish-stacionit të fundit të Tiranës së Re, ndërsa makina e 50- vjeçarit u hodh në erë në një moment kur në zonë kishte mjaft lëvizje qytetarësh.

Mes tyre mbetën të lënduar një 14-vjeçar dhe një qytetar italian. Ndonëse policia tha se kemi të bëjmë me hakmarrje dhe më konkretisht për prishje të pazareve të drogës mes fiseve Gjini dhe Reçi në Rrëshen, deri më tani nuk ka asnjë person të arrestuar.

As 24 orë më pas në Bradashesh të Elbasanit në një ekzekutim tipik mafioz vritet vëllai i të shumëkërkuarit Talo Çela, Bujar Çela. Ai po pinte kafe kur tre persona të armatosur e qëlluan për vdekje në brendësi të lokalit.

Pas hetimit të Prokurorisë u konkludua se viktima nuk kishte asnjë konflikt me persona të tjerë, ndërsa vrasja është bërë vetëm për shkak të vëllait të tij. Talo Çela kërkohet nga drejtësia shqiptare si i përfshirë në grabitjen e Rinasit por edhe në vrasje.

Sërish një ditë më pas në Durrës sherri banal mes disa të rinjve përfundoi me vrasjen e një 39-vjeçari. Sipas policisë konflikti nisi se përse viktima po shihte një prej autorëve ndërsa në pranga ranë 5 persona. Nuk do të kalonte shumë dhe një tjetër krim i rëndë u regjistrua në qytetin bregdetar. Një shofer furgoni i linjës së plazhit u gjet i vdekur nga plagët e thikës. Policia identifikoi autorin ndërsa ende nuk ka arritur ta arrestojë.

Football news:

Arteta about 0:1 with Leicester: I Don't know why the hell our goal was canceled. It is difficult to create space when 10 people are sitting behind the ball line
Rodgers on 1-0 with Arsenal: Leicester deserved to win. Vardy is a world-class player
Juve without Ronaldo could not beat Verona and Crotone in Serie A
Vardy has scored 11 goals in 12 games against Arsenal in the Premier League. Only Rooney has more
15,000 Teddy bears were planted at the Heerenveen match as part of a campaign to fight cancer. Toys sold for 230 thousand euros
Adidas and Pharrell Williams have reinvented the old forms of Real Madrid, Arsenal, Manchester United, Bayern Munich and Juve. The design is hand-made and celebrates imperfection
Barcelona filed a complaint about the refereeing of the match with Real Madrid to the Spanish football Federation