Albania

Zjarret në Gjirokastër, Kote për ATSH: Helikopteri po vijon me shuarjen e vatrave

TIRANË, 3 gusht/ATSH/ Vazhdon operacioni për vënien nën kontroll dhe shuarjen e vatrave të zjarrit në fshatrat Arshi Lengo, Asim Zeneli, Krinë, Dhoksat, Qestorat e Tranonishtë në Gjirokastër.

Prefekti i Gjirokastrës, Odise Kote në një prononcim për ATSH-në bën të ditur se disa familje janë evakuuar, ndërsa po vijon operacioni për shuarjen e zjarreve.

Kote u shpreh se si pasojë e zjarrit një banor nga fshati “Asim Zeneli” humbi jetën, ndërsa ka pësuar dëmtime edhe bashkëshortja e tij.

“Jemi duke evakuuar njerëzit. Helikopteri po vijon me shuarjen e vatrave të zjarrit. Në fshatin Arshi Lengo situata paraqitet më problematike, pasi janë përfshirë nga flakët edhe pishat pranë banesave”, deklaroi Kote për ATSH-në.

Sipas tij, në operacion po marrin pjesë forca dhe mjete të shumta.

“Në operacion po marrin pjesë 21 forca me 6 mjete zjarrfikëse të bashkisë Gjirokastër, 5 zjarrfikës me 2 mjete të bashkisë Dropull, 4 zjarrfikës me 1 mjet të bashkisë Tepelenë, 20 forca dhe 2 mjete të DMR Gjirokastër, shërbimi ambulancës me 3 mjete dhe personel, 20 punonjës policie, 70 forca bashkiake me 15 mjete transporti, si dhe banorë të këtyre fshatrave. Në orën 19:15 helikopteri ka bërë zbrazjen e parë. Tempi i zjarrit është në rënie”, tha Kote.

Sipas Kotes, dëmet janë të konsiderueshme.

“Janë djegur sipërfaqe të mëdha me pyje, shkurre, vreshta, pemë frutore në afërsi dhe pronë të këtyre fshatrave”, u shpreh ai.

/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Football news:

Barcelona wants to sign Sterling in the winter. The player is Interested in the transition
Larsson denied the conflict with Vitoria: There are no problems and there have never been any. The strength of Spartacus is in unity
The DFB allowed Kuntz to negotiate with the Turkish national team
Kante is ready to play with Tottenham, Pulisic is training individually
Messi can earn 110 million euros at PSG in 3 years
Cuadrado and Juventus will extend their contract until 2023 in October
Form of fans from Kursk-a guide to the city: instead of surnames and game numbers - historical addresses