Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Արցախի Ազգային ժողովի «Միասնական հայրենիք» խմբակցության պատգամավոր Սեյրան Հայրապետյանի ֆեյսբուքյան գրառումը
ԱՀ անվտանգության խորհրդի գրասենյակը հայտարարություն է տարածել՝ հերքելով Լաչինի միջանցքում ադրբեջանական հենակետ դնելու հավանականությունը և հանգստացրել հանրությանը, թե խաղաղապահ զորակազմի գոտի արգելված առարկաների մուտքը չթույլատրելու նպատակով ընդամենը ռենտգեն-սկաներ է տեղադրվելու։ Ընդամենը, հասկանո՞ւմ եք։
Նախ՝ հարց է ծագում, թե անվտանգության խորհրդի և անվտանգության խորհրդի քարտուղարի գործունեությունը սպասարկող մարմինը ի՞նչ իրավասությամբ է հայտարարություն տարածում, այն էլ՝ նման նրբանկատ հարցի կապակցությամբ։ Իսկ Արցախի տեղեկատվական շտաբն ի՞նչ տրամաբանությամբ է տարածում այն։
Երկրորդ․ արդյո՞ք անվտանգության խորհրդի գրասենյակի հայտարարությունը պիտի հասկանալ այնպես, որ ԱՀ անվտանգության խորհրդի ողջ կազմը բնավ էլ դեմ չէ Լաչինի միջանցքում ռենտգեն-սկաների տեղադրմանը։
Եվ վերջում՝ անվտանգության խորհրդի քարտուղարը պետք է կամք ունենա իր անունից հայտարարելու կուլիսային պայմանավորվածությունների մասին, ոչ թե խուսափելու պատասխանատվությունից և գրասենյակի անունից հասարակական կարծիք ստուգելու։
Պարոնա´յք, անվտանգության պատասխանատուներ, հասարակությունը պատասխաններ է ակնկալում ձեզնից։
