logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
star Bookmark: Tag Tag Tag Tag Tag
Armenia

Բալետի պարուհի Լիլիթ Հակոբյան. Տխուր է տեսնել, որ Երևանում հազարից մեկ է պրեմիերա լինում

Հաննովերի պետական օպերայի ու բալետի թատրոնի մենապարուհի Լիլիթ Հակոբյանն իր ստեղծագործական ուղին սկսել է Հայաստանից, սակայն արդեն 12 տարի հանդես է գալիս գերմանական բեմում: Panorama.am-ի հետ զրույցում նա ասաց, որ հետևում է հայաստանյան մշակութային կյանքին, Ալեքսանդր Սպենդիարյանի անվան օպերայի և բալետի ազգային ակադեմիական թատրոնի բալետային խմբի  գործունեությանը, ինչը նրան այնքան էլ չի ոգևորում:

Panorama.am- Ապրում եք Գերմանիայում, աշխատում եք Հաննովերի պետական օպերայի ու բալետի թատրոնում, ինչպե՞ս և ինչո՞ւ որոշեցիք  հեռանալ Հայաստանից:

Լ.Հակոբյան-Փոքր տարիքից երազել եմ մոդեռն, ժամանակակից պար սովորել, քանի որ Երևանում այդ հնարավորությունը չկար և Գերմանիա մեկնելու հնարավորություն ստանա, որոշեցի փորձել: 2007 թվականին էր:

Panorama.am- Քանի՞ տարի է աշխատում եք Հաննովերի պետական օպերայի ու բալետի թատրոնում:

Լ.Հակոբյան- Հաննովերում սա իմ 9-րդ տարին է, մինչ այդ Ֆլենսբուրդ և Դորտմունդ քաղաքներում եմ  աշխատել և պրակտիկա անցել: 

Panorama.am -Բեմադրություններ անո՞ւմ եք: Պարե՞լ, թե՞ բեմադրություններ անել, ո՞րն եք նախընտրում:

Լ.Հակոբյան- Դեռ նախընտրում եմ պարելը, առանց այդ կյանք չեմ պատկերացնում, բայց նկատում եմ, որ տարեցտարի շատ մեծ հետաքրքրություն է առաջանում բեմադրելու, նաև մի քանի հնարավորություններ եղան իմ բեմադրությունները տարբեր բեմերում ներկայացնելու համար: Անցած տարի երկու հրավեր ստացա տարբեր քաղաքներում իմ բեմադրած  Ժան Պոլ Սարտրի «Դռնփակ»-ը ներկայացնելը, անցած տարի նաև Բեռլինում հանդես եկա, մի փոքր բեմադրություն արեցի: Բայց դեռ իմ ամենագլխավոր կետն ավելի շատ պարային է:

Panorama.am- Կա՞ այնպիսի գործ, որում մշտապես ցանկացել եք հանդես գալ կամ Դուք բեմադրել, բայց դեռ հնարավոր չի եղել, ի՞նչն է խոչընդոտը: 

Լ.Հակոբյան -Երազում եմ պարել իսրայելցի  խորեոգրաֆ Շարոն Էյալի գործերից, դեռ հնարավորություն չի եղել: Մյուս երազանքերիցս  էր աշխատել կամ պարել Մարկո  Գյոկեի գործերից,  որն այս տարի դարձավ իմ տնօրենը, կարելի է ասել հիմա իմ երազանքն եմ ապրում:

Panorama.am -Դասական բալե՞տ, թե բալետ մոդեռնի տարրերով: Ո՞րն եք նախընտորւմ կամ ո՞րն  է Ձեզ ավելի հոգեհարազատ: 

Լ.Հակոբյան-Ինձ կոնկրետ հոգեհարազատ է մոդեռնը, բայց երևի չկա մեկն առանց մյուսի:

Panorama.am - Վերջին անգամ ե՞րբ էիք եղել Հայաստանում՝  նախքան ռեժիսոր Հովհաննես Գալստյանի «Թողություն» սերիալում նկարահանվելու համար Երևան գալը: Վերջին այցի ժամանակ ինչպիսի՞ փոփոխություններ նկատեցիք առհասարակ հայաստանյան մշակութային կյանքում:

Լ.Հակոբյան- Վերջին անգամ Նոր տարուն էի Երևանում: Ոչ մի մեծ մշակութային փոփոխություն, ճիշտն ասած, չնկատեցի: Եվրոպայում և ԱՄՆ-ում պարային աշխարհում ամեն ինչ այնքան մեծ արագությամբ է  առաջ գնում, այնքան հետաքրքիր բեմադրություններ են արվում ամեն ամիս, ամեն տարի, տխուր է տեսնել, որ Երևանում հազարից մեկ է պրեմիերա լինում ու ժամանակակից պար ընդհանրապես չկա: Ժամանակը ոնց որ կանգնած լինի:

Panorama.am -Հայաստանի օպերայի և բալետի թատրոնի բեմում վերջին անգամ ե՞րբ եք հանդես եկել:

Լ.Հակոբյան- Գերմանիա մեկնելուց առաջ՝ 2007 թվականին, պարեցի Միրտայի դերը «Ժիզել» բալետում: 

Panorama.am-Հետևո՞ւմ եք Հայաստանի օպերայի և բալետի թատոնի գործունեությանը, ինչպե՞ս եք գնահատում հայ բալետի պարողների հնարավորությունները, այսօրվա հայկական բալետը:

Լ.Հակոբյան-Իհարկե, հետևում եմ: Նրանց մեծ մասին գիտեմ անձամբ, քանի որ նրանց հետ աշխատել եմ, երբ Երևանում էի, մեծ մասի հետ նաև սովորել եմ Պարարվեստի ուսումնարանում:  Բոլորը շատ լավ հնարավորություններ ունեն,  բայց, ցավոք, թատրոնում ոչ մի հետաքրքիր բեմադրություն չի կատարվում: Որպես բալետի արտիստ, որի կյանքը շատ կարճ է, դա շատ ձանձրալի է: Այստեղ՝ Գերանիայում, մենք տարին ամենաքիչը հինգ պրեմիերա ունենք:

Panorama.am-Ցանկանո՞ւմ եք կրկին ելույթ ունենալ հայկական բեմում և ի՞նչ  բալետում հանդես գալ կամ հենց Դուք բեմադրեք հայ պարողների մասնակցությամբ:

Լ.Հակոբյան- Երևանյան ռեպերտուարից կուզեի պարել Կարմենի դերը «Կարմեն»  բալետում Արմեն Գրիգորյանի բեմադրությամբ:

Panorama.am- Շնորհակալություն: Կսպասենք Ձեզ նաև հայկական բեմում:

Լուսանկարները՝ Լիլիթ Հակոբյանի ֆեյսբուքյան էջից

Themes
ICO