Armenia
This article was added by the user . TheWorldNews is not responsible for the content of the platform.

«Հաղթանակ» զբոսայգու նոր «чертово колесо»-ն ապօրինի է

Հաղթանակ զբոսայգում տեղադրված «Սատանի անիվ» կարուսելն ապօրինի է տեղադրվել։ Այդ մասին այսօր հայտարարեց Երևանի քաղաքապետի պաշտոնը զբաղեցնող Հրաչ Սարգսյանը։
«Էդ, հայերեն ո՞նց ա։ «Чертово колесо» հա՞, ռուսերն։ Էդ ապօրինի որ տեղադրել են։ Զեյթուն վարչական շրջան, տեղյա՞կ եք»,-այսօրվա գործակարգավարական խորհրդակցության ժամանակ դիմելով վարչական շրջանի ղեկավարին՝ ասաց Հրաչ Սարգսյանը։

Վարչական շրջանի ղեկավար Արտակ Հովակիմյանն ասաց՝ տեղյակ է, շուտ է կառուցվել։


«Շուտ, ե՞րբ»,-արձահանքեղ Սարգսյանը։

«Մինչև հունիս ամիսը կառուցված է եղել։ Ոստիկանությունից էլ գրություն է եկել, պետք է պատասխանենք»,-ասաց նա։

Հիշեցնենք, որ Հովակիմյանը վարչական շրջանի ղեկավար է նշանակվել 2022թ. հուլիսին։


Հրաչ Սարգսյանը հանձնարարեց՝ մեկ շաբաթում արձանագրություն կազմել, հաջորդին նիստին զեկուցել։

Լուսանկարը՝ «Հաղթանակ» զբոսայգու ֆեյսբուքյան էջից։