Armenia

Հակակոռուպցիոն դատարանի դատավորների անկախության վրա պետք է աշխատենք. Կարեն Զադոյան

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

«Հակակոռուպցիոն դատարանն ամբողջացնում է ինստիտուցիոնալ համակարգը, քանզի արդեն դատական վերահսկողություն է իրականացվում հակակոռուպցիոն հարցերով մինչդատական վարույթի նկատմամբ: Հետագայում պիտի աշխատենք նաեւ այս դատարանի անդամների անկախության երաշխիքների վրա, որովհետեւ եթե այստեղ ունենանք ոչ պատշաճ դատավորներ, ապա ամբողջ գործընթացը տանուլ կտանք»,- այս կարծիքին է Իրավաբանների հայկական ասոցիացիայի նախագահ, Հայաստանի ՔՀԿ-ների հակակոռուպցիոն կոալիցիայի քարտուղարության համակարգող Կարեն Զադոյանը: Իր կարծիքը Կարեն Զադոյանը բարձրաձայնեց մասնագիտացված հակակոռուպցիոն դատարան ստեղծելու փաստով պայմանավորված «ՀՀ Դատական օրենսգիրք» սահմանադրական օրենքում փոփոխություններ եւ լրացումներ կատարելու վերաբերյալ սահմանադրական օրենքի նախագծի հանրային քննարկման ժամանակ:

Կարեն Զադոյանն ասաց, որ իրավաբանների հայկական ասոցիացիան, հետագայում նաեւ ՔՀԿ-ների հակակոռուպցիոն կոալիցիան շուրջ 10 տարի առաջարկում էր ստեղծել հակակոռուպցիոն դատարան: Սա իրականացրել են Հայաստանում հակակոռուպցիոն ինստիտուցիոնալ համակարգի ստեղծման գործընթացի շրջանակներում, որի համատեքստում առաջարկվել է նաեւ հակակոռուպցիոն ունիվերսալ մարմնի ստեղծում:

Իշխանությունը գնաց այլ ճանապարհով. ստեղծվեց Կոռուպցիայի կանխարգելման հանձնաժողով, քննարկվում է Հակակոռուպցիոն կոմիտեի ստեղծումը: Այսպիսով, ըստ Կարեն Զադոյանի, առաջին քայլն արված է: Երկրորդ քայլը հատուկ մասնագիտացված նախաքննություն իրականացնող մարմին՝ դատախազությունում ստորաբաժանման ստեղծումն է, գլխավոր դատախազի տեղակալներից մեկի համակարգմամբ: Վերջերս դա էլ իրականացավ:

Կարեն Զադոյանը խոսեց մարտահրավերների մասին, որոնցից ամենակարեւորը դատավորների ընտրությունն է համարում: Ըստ նրա, եթե ձախողենք կադրային քաղաքականությունը, ձախողելու ենք նաեւ հանրային սպասումներն արդարացնելը. «Հակակոռուպցիոն դատախազների ընտրության ընթացքում բարեվարքության առաջին թեստն արդեն արվել է, եւ եթե թերություններ են եղել, կշտկվեն դատավորների դեպքում»:

Բանախոսը շատ կարեւոր է համարում այս գործընթացի թափանցիկությունը եւ հանրային մասնակցությունը. «Հասարակությունը պետք է հնարավորություն ունենա տեղյակ լինելու բոլոր գործընթացներից, այդպիսով կփարատվեն նրանց կասկածները: Գործընթացին մասնակից կարող ենք դարձնել նաեւ հակակոռուպցիոն փորձագետների, որոնք պետք է նոմինացվեն հակակոռուպցիոն ոլորտում մասնագիտացած կազմակերպությունների կողմից: Այս մասով կարելի է բարձրացնել նախատեսված 3 տարվա փորձառության շեմը, որովհետեւ 3 տարվա փորձառություն ունեցող փորձագետը չի կարող գնահատել /ուսումնասիրել 7-8 տարվա փորձ ունեցող դատավորներին: Հասարակությունը պետք է վստահ լինի նաեւ, որ Կոռուպցիայի կանխարգելման հանձնաժողովի կողմից իրականացված բարեվարքության թեստը կտա դատավորի անկախության, անկողմնակալության հետ կապված հարցերի պատասխանները»:

Նելլի ԳՐԻԳՈՐՅԱՆ

Football news:

Hans-Dieter flick: Bayern players had to overcome the pain threshold to beat Sevilla
Julen Lopetegui: Neuer is an incredible goalscorer. Sevilla didn't use their chances
You should see Goretzky's goal again. Muller's goal and levandowski's discount - the magic of mutual understanding 🤝
Ivan Rakitic: We saw how important Neuer is for Bayern
Mueller - the best player of the match for the UEFA super Cup between Bayern Munich and Sevilla
Sevilla have five defeats in matches for the European super Cup. This is an anti-record
Bayern won 4 trophies in a year. To repeat Barca's record, you need to take two more