Armenia

Հարցում․ Ռուս բժիշկների մի մասը չի վստահում ռուսական պատվաստանյութին

Հարցում․ Ռուս բժիշկների մի մասը չի վստահում ռուսական պատվաստանյութին

PanARMENIAN.Net - Ռուսաստանում բժշկական անձնակազմի շրջանում հարցում է անկացվել, որի արդյունքներով՝ նրանց մեծ մասը պատրաստ չէ պատվաստվել Գամալեի կենտրոնի ստեղծած կորոնավիրուսի պատվաստանյութով։ Այս մասին հայտնում է ՌԲԿ-ն։

Հարցումն անցկացվել է օգոստոսի 12-ից 13-ը 3040 բժշկի և մասնագետի հետ։ Նրանցից 24,5%-ն է համաձայնել պատվաստվել, դեմ է արտահայտվել 52%-ը։

Հարցվածների 66%-ի տեսակետով՝ Գամալեի կենտրոնում ստեղծված պատվաստանյութի էֆեկտիվության վերաբերյալ բավարար վկայություններ չկան։ Իսկ 48%-ին հուզել է, որ պատվաստանյութը ստեղծվել է չափազանց կարճ ժամանակում։

20%-ը, այնուամենայնիվ, հայտարարել է, որ իր ծանոթներին, գործընկերներին և հիվանդներին խորհուրդ կտա օգտվել պատվաստանյութից։

Ավելի վաղ Ռուսաստանի նախագահ Վլադիմիր Պուտինը հայտարարել էր, որ կորոնավիրուսի դեմ ռուսական առաջին պատվաստանյութը գրանցվել է, այն արդյունավետ է, իմունային պատասխան է ձևավորում և անցել է բոլոր փորձարկումները։

Օգոստոսի սկզբին ԱՀԿ-ն հորդորել էր Ռուսաստանին զգուշավոր լինել Covid-19-ի դեմ պատվաստանյութի հարցում։ Կազմակերպության ներկայացուցիչը հայտնել էր, որ յուրաքանչյուր պատվաստանյութ կամ այլ դեղամիջոց պետք է կլինիկական տարբեր փորձարկումների և թեստերի ենթարկվի, և միայն դրանից հետո արտոնագիր ստանա և կիրառվի։

Microsoft-ի հիմնադիր Բիլ Գեյթսը մտահոգություն էր հայտնել, որ Ռուսաստանը և Չինաստանը շատ արագ են առաջ գնում, այնինչ բոլորին անհրաժեշտ է ևս 3-ից 4 ամիս պատվաստանյութերի փորձարկումների 3-րդ փուլի համար․ պետք է ուսումնասիրել կողմնակի ազդեցությունը։

Football news:

Leeds United have offered Bayern 20 million euros for Nuisance. Clubs in final stages of negotiations
Pep has already spent under 480 million on city's defence, and this week broke the club record for spending on a defender
The APL referees will be asked to soften the hand play. But the League cannot deviate from the rules
Lyon values Aouar over 40 million euros. Arsenal offered 35
Tottenham are not selling Mourinho's merch - because Chelsea still own the trademark rights. But it didn't stop Manchester United
Shomurodov is close to moving from Rostov to Genoa for 8 million euros (Sport Italia)
Pobegalov about 12 cases of covid in Shinnik: I hope we can start training by October 4