Armenia
This article was added by the user . TheWorldNews is not responsible for the content of the platform.

Հայաստանի տնտեսությունում ներդրումներն աճել են 5 անգամ. ԵՏՀ

Եվրասիական տնտեսական միության երկրների մեծ մասում 2022 թվականի առաջին կիսամյակում նախորդ տարվա նույն ժամանակաշրջանի համեմատ նկատվել է ուղղակի ներդրումների աճ։ Այս մասին հայտնել է Եվրասիական տնտեսական հանձնաժողովի կոլեգիայի նախագահ Միխայիլ Մյասնիկովիչը Բիշքեկի ներդրումային գագաթնաժողովի բացման ժամանակ։

«Հայաստանում ներդրումներն աճել են 5 անգամ, Բելառուսում՝ 1,6 անգամ, Ղազախստանում՝ 2, Ղրղզստանում՝ 1,3 անգամ»,- ասել է Միխայիլ Մյասնիկովիչը և հավելել. «Կարծում եմ, որ ԵԱՏՄ-ի զարգացման նոր փուլը կապված կլինի հենց ներդրումային և նորարարական համագործակցության ամրապնդման և նախագծերի ինտեգրման հետ»։

ԵՏՀ Կոլեգիայի նախագահը խոսել է Հանձնաժողովի կողմից ձեռնարկված օպերատիվ հակաճգնաժամային միջոցառումների մասին, որոնք ուղղված են ընդհանուր շուկայի կայուն գործունեությունը ապահովելուն։

«Ներմուծման մաքսատուրքերը զրոյացվել են ավելի քան 1300 ապրանքախմբերի համար, ինչը մոտ 2 միլիարդ դոլարի աջակցություն է ներկայացնում ընկերություններին»,- ընդգծել է Միխայիլ Մյասնիկովիչը։