Armenia
This article was added by the user . TheWorldNews is not responsible for the content of the platform.

ՀՀ-ում Ճապոնիայի դեսպանն այցելել է Սպիտակի բժշկական կենտրոն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Հայաստանի Հանրապետությունում Ճապոնիայի արտակարգ եւ լիազոր դեսպան Ֆուկուսիմա Մասանորին այսօր՝ դեկտեմբերի 7-ին, մարզային փրկարարական վարչության պետ Սերոբ Գաբրիելյանի ուղեկցությամբ այցելել է Սպիտակի բժշկական կենտրոն:

Դեռ ամիսներ առաջ Սպիտակ-Վանաձոր ավտոճանապարհին վթարի էին ենթարկվել Ճապոնիայի քաղաքացիներ, տեղափոխվել Սպիտակի բժշկական կենտրոն, վիրահատվել, ստացել անհրաժեշտ բուժօգնությունն ու դուրս գրվել՝ իրենց հետ տանելով բժշկական կենտրոնի բուժանձնակազմի ջերմությունն ու հոգատար վերաբերմունքը:

Բժշկական կենտրոնի տնօրեն Վարդուհի Սիսակյանի եւ Լոռու մարզպետարանի առողջապահության բաժնի պետ Լուսինե Վարդանյանի ուղեկցությամբ դեսպանը շրջեց հիվանդանոցում, ծանոթացավ պայմաններին, տեխնիկական հագեցվածությանը, հանդիպեց նաեւ իրենց քաղաքացիներին վթարից հետո վիրահատած բուժանձնակազմին:

Դեսպան Ֆուկուսիմա Մասանորին իր հերթին շնորհակալություն հայտնեց բժշկական կենտրոնի անձնակազմին՝ ի դեմս տնօրենի, ջերմ ընդունելության ու բնակչությանը մատուցվող որակյալ ծառայությունների համար՝ խոստանալով, որ սա առաջին, բայց ոչ վերջին այցը կլինի հարազատ դարձած բժշկական կենտրոն:

Սպիտակի բժշկական կենտրոնի մամուլի ծառայություն