Հայ-Ռուսական համալսարանի ռեկտոր Արմեն Դարբինյանն այսօր հյուրընկալել է Հայաստանի Հանրապետությունում Շվեյցարիայի արտակարգ և լիազոր դեսպան Լուկաս Ռոզենկրանցին։ Հանդիպման ընթացքում քննարկվել է ՀՌՀ-ի և շվեյցարական բուհերի միջև համագործակցությունը՝ ներկայումս իրականացվող նախագծերի համատեքստում։
Կողմերը փոխադարձ պատրաստակամություն են հայտնել ընդլայնելու համալսարանական շփումները, ինչպես նաև քննարկել են շվեյցարական առաջատար բուհերի հետ տեխնոլոգիական համագործակցության հեռանկարները։
ՀՌՀ-ի ռեկտորն ընդգծել է նաև, որ պատրաստ է զարգացնել համագործակցությունը ոչ միայն բուհերի, այլ նաև Շվեյցարիայի առաջատար գիտական կենտրոնների հետ, այդ թվում՝ Ժնևի համալսարանի հայագիտության և ռուսագիտության կենտրոնների հետ։
ՀՌՀ մամուլի ծառայություն
