Armenia

Իմքայլական պատգամավորը կարծում է՝ Կենտրոնում մեքենաների կայանման վճարը պետք է բարձրացնել

«Արդյո՞ք քննարկվել է Կենտրոն վարչական շրջանում մեքենաների կայանման համար նախատեսված վճարն ավելացնելու հարցը»,- խորհրդարանում նման հարց հնչեցրեց ԱԺ «Իմ քայլը» խմբակցության պատգամավոր Ծովինար Վարդանյանը։

Նրա խոսքով, Կենտրոն վարչական համայնքում տարածքներ կան, որտեղ մեքենաների կայանումը պետք է արգելել. «Իրոք, այդ հատվածները վտանգավոր են հետիոտների համար»։

«Ավտոտրանսպորտային միջոցների կայանատեղերի տեղակայման վճարի մասին» օրենքում փոփոխություններ և լրացումներ կատարելու մասին օրենքի նախագծի հարակից զեկուցող Վարազդատ Կապարետյանը, ի պատասխան Ծովինար Վարդանյանի հարցի, ասաց՝ ըստ նախագծի, ավագանին հնարավորություն ունի մինչև 25 հազար դրամ վճար սահմանել մեքենաների կայանման համար։

«Մենք պետք է նայենք, թե ավագային ինչ գումար կսահմանի։ Ոնց հասկանում եմ, այս փուլում 12 հազար դրամից ավելի գումար նախատեսված չէ։ Բայց ինքս էլ կիսում եմ Ձեր մտահոգությունը՝ հետիոտների համար ազատ տարածքների առումով։ Բայց պետք է սպասենք ավագանու որոշմանը, կամ ինքներս այստեղ ստեղծենք շրջանակ՝ համաձայն որի ավագանին կգործի»,- նշեց Վարազդատ Կարապետյանը։

ԱԺ փոխխոսնակ Ալեն Սիմոնյանն էլ նշեց, որ պետք է  ամեն ինչ անել՝ Կենտրոնը բեռնաթափելու համար։

«Մի քանի սրճարանների ու ռեսորանների պատճառով երեկոյան ժամերին Կենտրոնը կաթվածահար է լինում, քանի որ այդտեղի աշխատակիցներն են իրենց մեքենաները կայանում, ինչպես նաև հաճախորդներն են կայանում։ Ուստի մենք պետք է ելնենք այն տրամաբանությունից, որով մեր քաղաքն աշխատում է»,- շեշտեց Ա. Սիմոնյանը։

Վարազդատ Կարապետյանն էլ ասաց, որ երկու ամիս ժամանակ կա, որպեսզի հարցն ամբողջապես քննարկվի և նախագծում որոշակի շտկումներ մտցվեն։

«Որքան էլ բիզնեսների համար հարմար է ավտոկայանատեղիներ ունենալ, պետք է մենք ավելի շատ մտածենք հասարակության մասին։ Քանի որ քաղաքը բիզնեսի համար չէ, այլ՝ հասարակության»,- եզրափակեց խոսքը նա։

Football news:

This is the best Milan in years: superkambekom with Juve (3 goals in 5 minutes!) saved the intrigue in Serie A
Zlatan Ibrahimovic: I am the President, player and coach! If I had been in Milan since the start of the season, we would have taken the scudetto
Sarri on the defeat by Milan: we played first-class football for 60 minutes. Then-turbidity
Pioli on the victory over Juve: Milan became a team. We can play even better
Pioli beat Juventus for the first time as a coach
Vardy has scored 10 goals for Arsenal in Premier League matches. Only Rooney has more
Ronaldo scores or gives an assist in 17 consecutive Serie A matches, where he scored 25 (21+4) points