Շաբաթ առավոտյան Իտալիայի Իսկիա կղզու Կազամիչոլա քաղաքում տեղի ունեցած զանգվածային սողանքի հետևանքով ութ մարդ է զոհվել: Ըստ «ՌԻԱ նովոստի»-ի այդ մասին հայտնել է SkyTg24 լրատվական ալիքը՝ վկայակոչելով Իտալիայի ենթակառուցվածքների և տրանսպորտի նախարար, փոխվարչապետ Մատեո Սալվինիին։
«Իսկիայում սողանքի հետևանքով ութ մարդու մահը հաստատվել է»,-ասել է նախարարը Միլանում հանրային միջոցառման ժամանակ։ Նրա խոսքով՝ եղանակային անբարենպաստ պայմանները բարդացնում են կղզում որոնողափրկարարական աշխատանքները։
Ավելի վաղ տեղական լրատվամիջոցները հայտնել էին, որ հորդառատ անձրևների հետևանքով առաջացած սողանքի հետևանքով անհետացել է առնվազն 13 մարդ, այդ թվում՝ մի երեխա։ Մի քանի տներ թաղվել են սողանքի տակ։ Ցեխի հոսքերը հեղեղել են քաղաքի փողոցները և վնասել բազմաթիվ մեքենաներ։ Տեղի իշխանությունների տվյալներով՝ Ուրբաթ օրը Իսկիայում 120 միլիմետր անձրև է տեղացել։
