Շաբաթ գիշեր Իսրայելի անվտանգության ուժերը Հորդանան գետի արևմտյան ափին ձերբակալել են «Իսլամական ջիհադ» արմատական պաղեստինյան խմբավորման 19 ակտիվիստների։ Իսրայելի բանակի մամուլի ծառայության տարածած լուրը հայտնում է ՏԱՍՍ-ը։
«Գիշերը Իսրայելի պաշտպանության բանակի, Գլխավոր անվտանգության ծառայության (ՇԱԲԱԿ) և սահմանապահ ոստիկանության ստորաբաժանումները Հրեաստանում և Հորդանանի Արևմտյան ափին գործողություն են իրականացրել՝ ձերբակալելու «Իսլամական ջիհադ» կազմակերպություն գրոհայիններին։ Ընդհանուր առմամբ Հրեաստանում և Հորդանանի Արևմտյան ափին ձերբակալվել է 20 կասկածյալ, որոնցից 19-ը զինյալներ են՝ կապված «Իսլամական ջիհադի» հետ»,-ասվում է զինվորականների հայտարարության մեջ:
Զինվորականները նշել են, որ գործողությունները Հորդանան գետի արևմտյան ափում իրականացվել են Գազայի հատվածում արմատականների դեմ իսրայելական բանակի կողմից նախօրեին մեկնարկած գործողության շրջանակներում։