Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Հայաստանի որոշ բնակավայրեր՝ Վանաձոր, Դիլիջան, Բերդ, Կապան, Մեղրի և այլ քաղաքներ, լիովին կամ մասնակի ջուր են ստանում մակերևութային աղբյուրներից՝ հիմնականում լեռնային գետակներից, որոնք ներկայում տեղումների խիստ անբավարարության պատճառով սակավաջուր են դարձել:
Դրան էլ ավելացել է շատ ցածր ջերմաստիճանային ֆոնը սարերում, հատկապես գիշերային ժամերին, ինչի հետևանքով սակավաջուր դարձած գետերը, դրանց վրա կառուցված Ջրի մաքրման կայանների /ՋՄԿ/ ջրընդունիչներն ու այնտեղից սկիզբ առնող ջրագծերը շարունակաբար սառցակալում են:
Վեոլիա թիմն այս օրերին ջրաղբյուրներում գիշեր-ցերեկ հերթափոխով իրականացնում է սառույցների կոտրման ու հալեցման, ջրատարների տաքացման աշխատանքներ՝ գետակներում առկա ջուրը նախ ՋՄԿ-ներ՝ մաքրման ու քլորացման, այնուհետև՝ սպառողներին հասցնելու համար:
Կից լուսանկարներում երևում է, թե ինչպես են հանրապետության տարբեր ջրաղբյուրներում՝ մասնավորապես Դիլիջանը, Վանաձորը և Մեղրին սնող իրականացվում մշտական աշխատանքներ սպառողներին հնարավորինս կայուն և երկարատև ջրամատակարարմամբ ապահովելու համար:
Վեոլիա ջուր ընկերությունը հայցում է համաքաղաքացիների ներողամտությունը անբարենպաստ եղանակներով պայմանավորված կենցաղային անհարմարությունների համար և հիշեցնում, որ որոշ բնակավայրերում ջրամատակարարման ժամանակացույցի խախտումների մասին կարող եք տեղեկանալ մեր՝ facebook.com/veolia.armenia էջից կամ Veolia.am պաշտոնական կայքից` https://bit.ly/3wBpGJ3
Վեոլիա ջուր ՓԲԸ
