Armenia
This article was added by the user . TheWorldNews is not responsible for the content of the platform.

Լիտվան չի նախատեսում դպրոցներում արգելել ռուսաց լեզվի ուսուցումը

Լիտվայի իշխանությունները Լատվիայի օրինակով որոշում չեն կայացրել արգելել ռուսաց լեզվի ուսուցումը դպրոցներում, սակայն այն որպես երկրորդ օտար լեզու ընտրողների թիվը գնալով նվազում է:

«Ռիա Նովոստի» գործակալության փոխանցմամբ, Լիտվայի կրթության, գիտության և սպորտի նախարարի խորհրդական, լիտվացի Դաինորաս Լուկասը հայտնել է, որ վերջին մեկ տարվա ընթացքում ռուսերեն սովորող լիտվացի դպրոցականների թիվը նվազել է 8,6 տոկոսով։

«Նման որոշում չկա, որ դպրոցներում ռուսաց լեզու ընդհանրապես չլինի, ինչպես արդեն նշեցի, ռուսաց լեզուն ինքնին աստիճանաբար վերանում է դպրոցներում։ Մենք հույս ունենք և քննարկում ենք, որ հաջորդ ուսումնական տարվա սկզբից վեցերորդ դասարանցիների թիվը, որոնք են ռուսաց լեզուն, կնվազի 15-20%-ով»,- ասել է Լուկասը Լիտվայի ռադիոյի եթերում։

Ավելի վաղ նախարարությունը հրապարակել էր վիճակագրություն, ըստ որի՝ վեցերորդ դասարանի գրեթե 15000 աշակերտ ընտրել է ռուսերենը՝ որպես երկրորդ օտար լեզու, 4765 աշակերտ՝ գերմաներեն, 1800-ից մի փոքր ավելին՝ ֆրանսերեն։