Armenia

«Մենք հայցը չենք ընդունում. կատարված արտահայտությունները խոսքի ազատության շրջանակում են». Զարուհի Փոստանջյանը՝ Անժելա Թովմասյանի դեմ՝ «Հեղափոխության պահապանների» ներկայացրած հայցի մասին

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մայիսի 19-ին Երևան քաղաքի ընդհանուր իրավասության դատարանի Էրեբունի նստավայրում տեղի ունեցավ «Հեղափոխության պահապաններից» Հայկ Ստեփանյանն ընդդեմ «Հայելի ակումբի» և ակումբի ղեկավար Անժելա Թովմասյանի գործով դատական նիստ: Նշենք, որ «Հեղափոխության պահապանները» Անժելա Թովմասյանին դատի են տվել «5-րդ ալիքում» հարցազրույցի ժամանակ իրենց խուլիգան որակելու համար:

Դատարանի դահլիճում Հայկ Ստեփանյանը հայտարարեց. «Մենք պահանջում ենք 500 հազար դրամ հատուցում: Կարծում եմ` բանդա, խուժան և խուլիգան արտահայտությունները զրպարտություն են, քանի որ Անժելա Թովմասյանն իմ մասին թյուր կարծիք է ձևավորել: Բանդա, խուժան, խուլիգան, դրանք զրպարտչական հայտարարություններ են: Նույն արտահայտությունները նաև վիրավորական են: Խնդրում եմ Անժելա Թովմասյանին պատասխանատվության ենթարկել և որ նա հերքի իր ասած խոսքերը ու փոխհատուցի»:

Հայկ Ստեփանյանը պնդեց՝ այլ տեսանյութերում ևս Անժելա Թովմասյանն իր հասցեին վիրավորական արտահայտություններ է հնչեցրել:

Անժելա Թովմասյանի ներկայացուցիչ Զարուհի Փոստանջյանն առարկեց ու հայտարարեց. «Մենք հայցը չենք ընդունում և գտնում ենք, որ այն պետք է ամբողջովին մերժել: Հիմքը, եթե եղել են արտահայտությունները, ապա դրանք տեղավորվում են խոսքի ազատության շրջանակում: Եվ քանի որ հարուցվել է քրեական գործ, ու դրա շրջանակում հայցվորն ունի մեղադրյալի կարգավիճակ, այսօրվա արտահայտությունները նաև հարուցված քրեական գործի շրջանակում գործողությունների արդյունք են: Հայցվորի ոտնձգությունները տեղավորվում են քրեորեն հետապնդելի արարքների որակման ներքո, հետևաբար պատասխանողի կողմից որակումներն այդ շրջանակներում են կատարվել»:

Զարուhի Փոստանջյանը հիշեցրեց, որ «Հայելի ակումբի» վրա տեղի է ունեցել հարձակում խուլիգանական եղանակով, անպարկեշտ արտահայտություններ են արվել Անժելա Թովմասյանի հասցեին և այդ արտահայտությունները որակվել են որպես քրեորեն հետապնդելի արարք. «Մենք չենք ընդունում հայցվոր կողմի հայցով ներկայացված պահանջները»:

Նախագահող դատավորի հարցին՝ նշված արտահայտություններն արվե՞լ են հայցվորի նկատմամբ, Զարուհի Փոստանջյանը պատասխանեց. «Դրանց վերաբերյալ կա տեսաձայնագրություն: Այդ տեսաձայնագրությունում ինչ- որ կա, այդ համատեքստում ենք արտահայտում մեր դիրքորոշումը»:

Զարուհի Փոստանջյանը հայտարարեց, որ Անժելա Թովմասյանը որևէ կերպ առնչություն չի ունեցել հայցվորի հետ, չի ճանաչել, նրա հետ որևէ գործնական հարաբերություններ չեն եղել, հայցվորի մասին տեղեկացել է միայն, երբ նա հարձակում է գործել «Հայելի» ակումբի վրա:

Հայկ Ստեփանյանն արձագանքեց, թե որևէ հիմք չկա իր գործողություններն անվանել հարձակում ու տեղեկացրեց. «Քրեական գործը, որը հարուցվել է պատասխանող կողմի դիմումով, մերժվել է հանցակազմի բացակայությամբ. գործը կարճվել է: Անընդունելի են այն հայտարարությունները, թե ես հարձակում եմ գործել, և դրա համար կարող են ինձ անվանել խուժան, խուլիգան, բանդա: Խնդրում եմ հաշվի առեք այդ փաստը, որ այս պահին գործը կարճված է: Դա եղել է ակցիա. հրապարակային հայտարարել եմ, որ այդ գործողությունները եղել են ակցիա. տիկին Թովմասյանի դեմ չեն եղել ուղղված: Իմ գործողությունները եղել են կոնկրետ «Հայելի» ակումբի կողմից հրապարակված «Ալիևի ուշացած, բայց հուժկու պատասխանը Փաշինյանին» վերտառությամբ հոդվածի հետ կապված: Ուստի որևէ կերպ պետք չէ Անժելա Թովմասյանի եղբոր գործունեության հետ կապել: Որևէ բան չի կոտրվել, դա հարձակում չի եղել և դա թույլ չի տալիս նրան ինձ անվանել խուժան, խուլիգան և բանդա»:

Նախագահող դատավորն ասաց, որ պատասխանողն, ըստ էության, փաստերի վերաբերյալ դիրքորոշումն այդ փաստերով սահմանված հանգամանքներն ընդունելու վերաբերյալ հստակ դիրքորոշում չհայտնեց ու մանրամասնեց. «Դատարանը չի կարող այդ տեսանյութի վերծանումը կամ այդ տեսանյութում արձանագրվածն ընդունել որպես պատասխանողի կողմից ընդունված փաստ: Դա որոշակի գործողություն է ենթադրում, որ դատավորը պետք է դիտի տեսանյութը և սահմանի՝ ընդունո՞ւմ է այս փաստը, թե ոչ: Այդ գործողությունը դատարանն իրավասու չէ անել. կստացվի, որ դատարանը կվերլուծի տեսանյութը և պատասխանողին կվերագրի ինչ-որ փաստ ընդունելու կամ չընդունելու հանգամանքը, որը պետք է կատարի դատական ակտով: Մեզ համար դեռևս ապացուցման ենթակա հանգամանք մնում է այն հարցը, որ պատասխանող կողմ Անժելա Թովմասյանը կատարե՞լ է այդ հայտարարությունները, դրանք կատարվել են հրապարակային և դրանք կատարվե՞լ են ձեր հանդեպ: Այդ փաստերի ապացուցման հարցը կա»:

Հայկ Ստեփանյանը խնդրեց, որ հաջորդ անգամվա նիստին լինի կոնկրետություն, թե արդյոք կարո՞ղ է տիկին Փոստանջյանն ամբողջությամբ ներկայացնել Անժելա Թովմասյանի դիրքորոշումը, քանի որ ըստ նրա՝ դատական նիստին երևաց, որ ամբողջությամբ չի կարող պատասխանել տիկին Թովմասյանի արարքների համար:

Դատարանը ապացույց ներկայացնելու համար ժամկետ սահմանեց մինչև 2020 թվականի հունիսի 10-ը, իսկ դատական նիստը հետաձգվեց: Հաջորդ դատական նիստը տեղի կունենա հունիսի 11-ին՝ ժամը 15.00-ին:

Տաթև ՀԱՐՈՒԹՅՈՒՆՅԱՆ

Football news:

Juventus and Atletico have started talks about the transfer of Lacazette. Inter are also Interested in him
Rangnik agreed to take charge of Milan from the 2020/21 season. He can also take the post of sports Director
Ocampos did everything for the victory of Sevilla: first he scored, and then he put on a goalie's Jersey and in the 101st minute dragged the kick of the goalkeeper Eibar
Pizarro finished his career as a player. Werder's players cradled him in their arms after the match
Aitor Karanka: When Real Madrid wins, they always talk about the referees
Gendusa two weeks training with Arsenal according to the decision of Arteta. Londoners can sell it
Alexander Elagin: if you Want to live a man with a man, a woman with a woman-live! But don't involve children