Armenia
This article was added by the user . TheWorldNews is not responsible for the content of the platform.

«Նուբարաշեն» ՔԿՀ-ում 35-ամյա դատապարտյալ է մահացել

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

«Նուբարաշեն» քրեակատարողական հիմնարկում 35-ամյա դատապարտյալ է մահացել։ Այս մասին 1lurer.am-ի հետ զրույցում հայտնել է Քրեակատարողական ծառայության հանրային կապերի բաժնի պետ Նոնա Նավիկյանը:

Նավիկյանի խոսքով՝ սեպտեմբերի 26-ին՝ ժամը 00։15-ի սահմաններում, արդարադատության նախարարության «Նուբարաշեն» քրեակատարողական հիմնարկի դատապարտյալ, 1987 թ․ ծնված Զ․ Կ․-ի ինքնազգացողությունը կտրուկ վատթարացել է։

Նավիկյանը տեղեկացրել է՝ տեղում ցուցաբերվել է առաջին բուժօգնություն, սակայն ժամանած շտապօգնության կողմից, ցավոք, արձանագրվել է տղամարդու կենսաբանական մահը:

Դեպքի առթիվ ՀՀ ՔԿ Երևան քաղաքի Էրեբունի և Նուբարաշեն վարչական շրջանների քննչական բաժնում նախապատրաստվում են նյութեր: