Armenia

Պուտինը մերժեց ու պայման դրեց. Հայաստանի այլընտրանքը

Մայիսի 19-ին տեղի ունեցած ԵՏՄ երկրների վեհաժողով-տեսակոնֆերանսում ՌԴ նախագահ Պուտինն, անդրադառնալով գազի գնի վերաբերյալ Հայաստանի եւ Բելառուսի հարցադրումներին, նշել է, որ ԵՏՄ տարածքում գազի միասնական գնագոյացման մասին խոսելը վաղ է: Ըստ Պուտինի, այդ մեխանիզմի համար պետք է ավելի խորը ինտեգրացիա, ինչն այժմ գոյություն չունի: Նա հայտարարել է, որ եթե Հայաստանի եւ Բելառուսի դիրքորոշումը այդ հարցում անփոփոխ է, ապա ԵՏՄ հնգամյա ռազմավարությունից այդ կետը արժե հանել եւ ռազմավարությունն ընդունել առանց դրա:

ՌԴ նախագահը փաստորեն հայտարարում է գազի հարցում զիջման գինը՝ ավելի խորը ինտեգրացիա, ինչն այլ կերպ թերեւս կնշանակի քաղաքական կապիտուլյացիա: Ըստ ամենայնի, ՌԴ նախագահի պայմաններից մեկը միասնական արժույթն է, եւ Ռուսաստանը կարող է ռուբլու հիմքով միասնական արժույթի պայմանով համաձայնել գազի միասնական գնին:

Մի բան անկասկած է, որ Մոսկվան դնում է կոշտ պայման՝ կամ գազի էժան, այսպես ասած ներռուսական տրամաբանությամբ ձեւավորվող միասնական գին ստանալու համար եվրասիական պետությունները պետք է հավասարվեն ռուսական ռեգիոններին, կամ նրանց հանդեպ կշարունակվի կիրառվել այն մոտեցումը, որ կա մինչ այժմ:

Ի՞նչ պատասխանի են ի վիճակի Երեւանն ու Մինսկը: Թեեւ, այստեղ իհարկե Մինսկին դիտարկելով այդ հարցում պոտենցիալ դաշնակից, Երեւանը թերեւս որեւէ լուծման հարցում հաշվարկ չպետք է կապի Բելառուսի հետ: Լուկաշենկոն այդ իմաստով բավականին անկանխատեսելի է, ըստ այդմ Երեւանը պետք է փնտրի իր լուծումները, մի կողմից Ռուսաստանի հետ աշխատանքը շարունակելով, մյուս կողմից աշխուժացնելով աշխատանքը այլընտրանքային հնարավորությունների ուղղությամբ: Ի վերջո, ՌԴ հետ աշխատանքի արժանապատիվ արդյունք ստանալ հնարավոր է այն դեպքում, երբ կա այլընտրանք, եւ Մոսկվան գիտե, որ դա կա:

Այդ իմաստով հատկանշական է նախօրեի տեղեկությունը, որ Իրանում Հայաստանի դեսպան Թումանյանը հանդիպել է այդ երկրի ԱԳՆ Եվրասիայի վարչության ղեկավարին, եւ զրույցի ընթացքում շոշափվել է նաեւ գազի եւ էներգետիկ այլ նախագծերի հարցը: Երեւանն անշուշտ պետք է ձգտի իրանական գազային այլընտրանքի շուրջ համաձայնության, միաժամանակ սակայն փնտրելով երկրի ներսում այլընտրանքային, վերականգնողական էներգիայի կարողություններ:

Մեծ հաշվով, Հայաստանի համար ռազմավարական հեռանկարը պետք է լինի հենց դա, այլ ոչ թե Ռուսաստանի հետ էժան գազի գնագոյացման մեխանիզմի հասնելը: Ավելին, Ռուսաստանի հետ այդօրինակ համաձայնության հասնել հնարավոր է միայն մի դեպքում, երբ Մոսկվան գիտե, որ համաձայնություն փնտրողը ամեեւին կախված չէ այդ համաձայնությունից:

Մյուս կողմից, հայ ժողովրդի, հայաստանյան կառավարության, միաժամանակ նաեւ հանրության առաջ սկզբունքորեն կարեւոր հարց է՝ պատրա՞ստ է Հայաստանը ինքնիշխանության սկզբունքով չվարանել ռուսական պահանջների առաջ, անգամ եթե տեսանելի ապագայում չլինի համարժեք ծավալի որեւէ այլընտրանք:

Այստեղ Հայաստանի կառավարությունը, քաղաքական ուժերն ու հանրությունն ունեն բաց երկխոսության լուրջ անհրաժեշտություն:

Football news:

Borussia have notified Manchester United that they will not release Sancho for less than 120 million euros. There are no other candidates
Agent Hakimi: Zidane is the reason for moving to Inter. He did not call Ashraf, but Conte spoke about the project
Neymar has agreed with PSG that he will be released if Barcelona make an offer (As)
Wigan collapsed under external control. Perhaps all because of the murky betting in the Philippines
Pep on Manchester City's European Cup ban: I'm Sure we will be allowed to play in the Champions League
Defender Athletic Berchiche: Real Madrid have the best squad in the world
Ronaldo scored the 25th goal of the Serie A season (from a free kick!). There have not been such bombers in Juve for 59 years