Armenia
This article was added by the user . TheWorldNews is not responsible for the content of the platform.

ՌԴ ԱԳՆ-ն «Հայաստանին ու Ադրբեջանին կոչ է անում անհապաղ բազմակողմանիորեն վերլուծել զինծառայողների գնդակահարության տեսանյութերը»

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Ռուսաստանը Հայաստանին ու Ադրբեջանին կոչ է անում անհապաղ բազմակողմանիորեն վերլուծել զինծառայողների գնդակահարության տեսանյութերը՝ դրանցում ռազմական հանցագործությունների առկայությունը ստուգելու համար: Փաստերի ապացուցման պարագայում բոլոր մեղավորները պետք է պատասխանատվության ենթարկվեն: Այս մասին ասվում է Ռուսաստանի ԱԳՆ պաշտոնական ներկայացուցիչ Մարիա Զախարովայի տարածած հայտարարության մեջ:

«Նշված տեսանյութերը լի են ծայրահեղ դաժանությունների կադրերով: Միջազգային մարդասիրական իրավունքի բոլոր խախտումները պետք է հանգամանորեն հետաքննվեն: Կոչ ենք անում հայկական և ադրբեջանական իշխանություններին անհապաղ անցկացնել այդ տեսանյութերի բազմակողմանի խորը վերլուծություն, այդ թվում դրանցում ռազմական հանցագործությունների առկայությունը ստուգելու համար: Փաստերի ապացուցման պարագայում բոլոր մեղավորները պետք է պատասխանատվության ենթարկվեն օրենքի ողջ խստությամբ»,- ասվում է մեկնաբանության մեջ:

Զախարովան ընդգծել է, որ Մոսկվան կշարունակի ձեռնարկել «լուրջ ջանքեր՝ տարածաշրջանում միջավայրի առողջացման» և Բաքվի ու Երևանի հարաբերությունների կարգավորման համար:

«Ելնում ենք նրանից, որ խաղաղությանն այլընտրանք չկա: Պատրաստ ենք կողմերին ցուցաբերել անհրաժեշտ աջակցություն»,- ասել է նա:

Պատրաստեց Վիկտորյա ԱՆԴՐԵԱՍՅԱՆԸ