Եվրամիությունը Իրանի դեմ պատժամիջոցների վեցերորդ փաթեթն է ներկայացնում երկրում մարդու իրավունքների ենթադրյալ խախտումների պատճառով։ ՏԱՍՍ-ը հայտնում է, որ այդ մասին երկուշաբթի օրը հայտարարել է Գերմանիայի արտաքին գործերի նախարար Աննալենա Բուրբոքը՝ ժամանելով ԵՄ երկրների գործընկերների հետ հանդիպմանը։
«Մենք այստեղ, Բրյուսելում, իհարկե, կքննարկենք Իրանում տիրող իրավիճակը»,- ասել է նա և հավելել. «Եվ այստեղ մեզ համար կարևոր է հստակ արձանագրել, որ ոչ ոք չի կարող վեր լինել օրենքից: Այս առումով մենք Բրյուսելում ընդունում ենք պատժամիջոցների վեցերորդ փաթեթը, որը պարզ է դարձնում, որ մենք աչք չենք փակում Իրանում վարչակարգի կողմից իրականացվող մարդու իրավունքների կոպիտ խախտումների վրա»։
Փետրվարի 20-ին ԵՄ խորհուրդը Իրանի 32 ֆիզիկական և 2 կազմակերպություն է ներառել սև ցուցակում՝ այդ երկրում մարդու իրավունքների ենթադրյալ խախտումների պատճառով: