Azerbaijan
This article was added by the user . TheWorldNews is not responsible for the content of the platform.

Putin Vaqnerin keçmiş komandiri ilə görüşdü

Rusiya prezidenti Vladimir Putin dünən Kremldə Rusiyanın muzdlu “Vaqner” qrupunun keçmiş komandiri, rusca “Sedoi” və ya “boz saç” kimi tanınan Andrey Troşevlə görüşüb.

Publika.az xəbər verir ki, Rusiya müdafiə nazirinin müavini Yunus-Bek Yevkurovun da iştirak etdiyi iclasda Ukrayna müharibəsində könüllü döyüş birləşmələrindən necə istifadə edildiyi müzakirə olunub.

Putin Troşevə Ukraynadakı könüllü döyüş bölmələrinə nəzarət etməyi tapşırıb. Putinin görüş zamanı Troşevə "Nə baş verdiyini, necə edildiyini bilirsiniz, mübarizənin ən yaxşı və ən uğurlu şəkildə irəliləməsi üçün həll edilməli olan problemləri əvvəlcədən bilirsiniz" dediyi bildirilir.

Digər tərəfdən, Kremlin sözçüsü Dmitri Peskov bildirib ki, Troşev hazırda Müdafiə Nazirliyinin tabeliyində işləyir.

Rusiya mediası vurğulayıb ki, Kremldəki görüş avqustda təyyarə qəzasında həlak olan Vaqner lideri Priqojinin iyun ayında uğursuz üsyanından sonra dövlətin muzdlu qruplaşma üzərində “nəzarəti ələ keçirdiyini” göstərir.

Bildirilir ki, Priqojinin üsyanından cəmi bir neçə gün sonra Putin muzdlularla mübarizəni davam etdirmək fürsəti təklif edib və Troşevə Priqojinin mövqeyini ələ almasını deyib.

Troşev 2016-cı ildə Suriyanın Palmira şəhərində İŞİD yaraqlılarına qarşı hücumlarda oynadığı rola görə, Rusiyanın ən yüksək medalı olan "Rusiya Qəhrəmanı" ilə təltif edilib.

Nəzrin