Iceland

Fylltar kjúklingabringur og sætarkartöflur – „Má ég fá meira takk“

Una Dögg Guðmundsdóttir matgæðingur DV og matarbloggari á Unabakstur.is hvetur lesendur til þess að bjóða góðu fólki í mat og bjóða upp á þessa dýrðlegu veislu.  Þessi góði réttur mun án ef kalla á „Má ég fá meira takk“ !

Fyrir 4

4 kjúklingabringur
Salt og pipar
Ólífuolía
30 g smjör
150 g brokkólí
½ appelsínugul paprika,
½ gul paprika,
½ rauð paprika,
10 sveppir
2 hvítlauksrif
Smábútur af fersku engiferi – sirka 1 cm
150 g hvítlauksrjómaostur með graslauk
½ dl rjómi

Byrjið á að setja ólífuolíu í eldfast mót og leggið kjúklingabringurnar ofan í mótið og kryddið með salti og pipar. Setjið í ofninn á 200 gráður í um 30 mínútur.
Útbúið fyllinguna, fínsaxið grænmetið, pressið hvítlauksrifin með hvítlaukspressu og rífið niður engiferbútinn á rifjárni. Steikið allt grænmetið á pönnu með smjöri.
Þegar grænmetið er aðeins farið að mýkjast er rjómaosturinn og rjóminn settur út á pönnuna, hafið lágan hita á hellunni og hrærið vel í blöndunni þar til osturinn hefur bráðnað.

Takið kjúklingabringurnar úr ofninum og leyfið þeim aðeins að kólna og jafna sig áður en þær eru skornar endilangt og fyllingin sett inn í. Gott er að loka bringunum svo með tannstönglum.
Bringurnar eru svo settar aftur inn í ofn í um 10-12 mínútur.

Sætar kartöflur með fersku rósmaríni

Sætar kartörglur – 3 stk
Ferskt rósmarín
Salt og pipar

Skerið sæta kartöflur í meðalþykkar sneiðar, setjið í eldfast mót með olíu og kryddið með salti og pipar.
Setjið í ofn við 200 gráður í um 30 mínútur, takið svo kartöflurnar úr
ofninum og leggið ferskar rósmaríngreinar yfir og leyfið að vera í um 10 mínútur í ofninum til viðbótar.
Mjög gott er að bera þetta fram saman, leggja kjúklingabringurnar ofan á kartöflurnar og um að gera að nota restina af fyllingunni sem meðlæti með.

Mynd: Una Guðmunds

Football news:

Matteus on Levandovsky: This is not just the best player in the world. His character and will are unique
Messi trained with a bandage on his left leg. This is a precautionary measure, he will play against Bayern
Karl-Heinz Rummenigge: Neuer is world-class, and Ter Stegen is on the way to it
Chelsea are stepping up negotiations for Havertz after Bayer's relegation from the Europa League, Cech is involved in them
Messi bought a penthouse in Milan. It was reported that Inter is Interested in the player
Real advance refund the Youngster of rental Sociedade. Zidane is impressed with his performance
Barys 20 days before the start of the KHL: they do not know where to play, Legionnaires are cut off from the team