Iceland

Hámark klikkunarinnar eða bara heimska? Nýjasta samsæriskenningin sem tröllríður netinu

Á meðan íbúar í Texas og öðrum ríkjum í suðurhluta Bandaríkjanna eru að jafna sig eftir mikið vetrarveður sem herjaði á ríkin í síðustu viku með tilheyrandi snjó og kulda fara samsæriskenningasmiðir mikinn á netinu og dreifa og ræða ótrúlega samsæriskenningu. Samsæriskenningar eru auðvitað oft á tíðum ótrúlegar og undarlegar en þessi hlýtur eiginlega að vekja upp spurningar um hvort þetta sé sú klikkaðasta til þessa eða hvort samsæriskenningasmiðirnir séu bara svona heimskir?

Kenningin gengur út á að vetrarveðrið hafi í raun ekki verið raunverulegt heldur manngert og að á bak við það hafi enginn annar en Bill Gates, stofnandi Microsoft, staðið. Hann hafi sent þetta veður yfir ríkin til að kynda undir áhyggjur fólks um hnattræna hlýnun og loftslagsbreytingarnar.

Kenningunni hefur mikið verið dreift á TikTok og undarleg myndbönd birt með. Nokkur myllumerki hafa sprottið upp í kringum kenninguna, til dæmis #governmetnsnow, þar sem því er haldið fram að snjókoman í Texas hafi verið af mannavöldum. Sumir hafa birt myndir af sér við að reyna að bræða snjó þessu til „sönnunar“.

Skjáskot/TikTok

Þegar snjórinn bráðnar ekki þegar eldur er borinn upp að honum telja sumir að þar sé komin sönnun þess að um manngert óveður og snjó hafi verið að ræða.

Skjáskot/TikTok

Í einu myndbandi sést kona halda kveikjara upp við snjókúlu og kenna Bill Gates og ríkisstjórninni um að hafa sent óveðrið yfir Texas. „Þið sjáið að hann er ekki að bráðna en hann mun brenna. Snjór brennur ekki. Snjór bráðnar. Ekkert vatn sem lekur, ekkert,“ segir hún. „Ef ég set þetta í örbylgjuofninn mun neista því það er búið að blanda málmi í þetta,“ er einnig sagt um snjóinn.

Í öðru myndbandi sést stúlka búa til snjókúlu í garðinum, halda henni yfir sprittkerti og átta sig á að kúlan bráðnar ekki samstundis, sem er að hennar sögn sönnun þess að um samsæri sé að ræða.

Football news:

Ibra will be torn between matches and the festival in Sanremo for a week. 4 musical evenings and 2 matches in 6 days
The champion of China, Jiangsu Sunding, announced the termination of its activities. Inter is owned by the same company
Ex-goalkeeper of the national team of Argentina Cavaliero killed a man
Schalke has sacked head coach Gross and the sports director. The team is last in the Bundesliga
Werner on Chelsea: The period when I didn't score was the worst of my career
Ole Gunnar Solskjaer: You're in the wrong place if you're at Manchester United and you like to lose. I may be the worst loser in the club
Ko vid-masks of the Leopard are recognized as the best in Spain. Efficiency - 94%