Innlent

Ræninginn, sem var karlmaður um þrítugt, var handtekinn af lögreglu fyrr í vikunni og játaði á sig verknaðinn við yfirheyrslur.
Ræninginn, sem var karlmaður um þrítugt, var handtekinn af lögreglu fyrr í vikunni og játaði á sig verknaðinn við yfirheyrslur. Vísir/vilhelm

Lögreglan á höfuðborgarsvæðinu hefur upplýst rán sem framið var í fyrirtæki í miðborginni í byrjun mánaðarins, en þar var starfsmanni ógnað og hótað með mjög grófum hætti áður en ræninginn komst undan með talsvert af reiðufé. Þetta kemur fram í tilkynningu frá lögreglunni.

Ræninginn, sem var karlmaður um þrítugt, er sagður hafa verið handtekinn af lögreglu fyrr í vikunni og játað á sig verknaðinn við yfirheyrslur. Búið er að endurheimta stóran hluta af ránsfénu og segir lögregla að starfsmaðurinn umræddi hafi brugðist hárrétt við en hafi eðlilega verið brugðið.

Í tilkynningunni segir að lögreglan hafi haft mjög lítið til að byggja á við rannsókn málsins. Hún hafi strax ákveðið að kalla út sporleitarhunda sér til aðstoðar við rannsóknina og var einnig farið yfir mikið myndefni úr eftirlitsmyndavélum í miðborginni. Það hafi orðið til þess að lögreglan fékk vísbendingar sem leiddi að lokum til handtöku ræningjans.


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.


Fleiri fréttir

Sjá meira