logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
star Bookmark: Tag Tag Tag Tag Tag
Iceland

Vaknar þú á milli 3 og 5 á nóttinni? Það er ástæða fyrir því

Það er auðvitað langbest að ná að sofa alla nóttina og ná góðum og óslitnum nætursvefni. En það eru ekki allir sem ná því. Margir vakna á nóttinni, kannski til að fara á klósettið eða sinna börnum, en svo eru sumir sem vakna oft á milli klukkan 3 og 5 og eiga erfitt með að festa svefn á nýjan leik. Þetta getur verið ansi erfitt því líkaminn og heilinn neita bara að slaka á og sofa áfram. En það er engin tilviljun að fólk vaknar á þessum tíma.

Þessi tími nætur er oft kallaður úlfatíminn en nafnið vísar í kvikmynd eftir Svíann Ingmar Bergman þar sem fjallað er um hvað gerist á tímanum á milli nætur og dögunar. Á þessum tíma er líkaminn stilltur á hvíld og það hefur áhrif á ýmsa starfsemi hans.

Fyrir þá sem sofa alla nóttina er úlfatíminn sá tími sem svefninn er dýpstur og martraðirnar eru verstar. En fyrir þá sem eru vakandi er þetta tíminn sem ótti og óróleiki tekur völdin.

Dægurryþmi líkamans fylgir sólarupprás og sólsetri sem gerir að verkum að líkamshitinn, blóðþrýstingur og efnaskipti breytast á nóttinni. Um klukkan 04 er starfseminn minnst en þá hvílist líkaminn. En ef fólk finnur fyrir óróleika eða ótta gætir þess sérstaklega mikið á þessum tíma.

Mælt hefur verið með að fólk reyni að undirbúa sig undir nóttina til að tryggja betri nætursvefn. Til dæmis er mælt með að það leggi farsímann og aðra skjái frá sér töluvert áður en lagst er til svefns. Þá er gott að hugleiða hvað það er sem þú hefur áhyggjur af eða stressar þig og hvað þú getur gert til að takast á við það.

Themes
ICO