Views: 1
ប្រែសម្រួល : កញ្ញាដាលីស (ដេល្លីម៉េល) ៖ កីឡាករ អិនហ្សូ ហ្វើណង់ដេស (Enzo Fernandez) អាចនឹងក្លាយជាកីឡាករថ្លៃបំផុតនៅ Premier League ប្រសិនបើ Chelseaចុះហត្ថលេខាទិញខ្សែបម្រើម្ចាស់ជ័យលាភីវើលខាប់រូបនេះពី Benfica ក្នុងតម្លៃខ្លួន ១២០ លានអឺរ៉ូ (១០៥,៥ លានផោន)។
នោះនឹងវ៉ាដាច់តម្លៃខ្លួន ១០០ លានផោនដែល Manchester City បង់សម្រាប់កីឡាករ ជែក គ្រីលីស (Jack Grealish) នៅពេលរូបគេចូលរួមពី Aston Villa ក្នុងខែសីហា ឆ្នាំ ២០២១។
ដោយឡែក ទីភ្នាក់ងារសារព័ត៌មាន PA និយាយថា Tottenham នៅតែមានសុទិដ្ឋិនិយមយ៉ាងប្រុងប្រយ័ត្នចំពោះការទិញយកខ្សែការពារស្លាបស្តាំរបស់ Sporting គឺ ផេត្រូ ផូរ៉ូ (Pedro Porro) មុនថ្ងៃផុតកំណត់នៅថ្ងៃអង្គារនេះ។
កិច្ចព្រមព្រៀងនេះហាក់ដួលរលំកាលពីដើមសប្តាហ៍នេះទៅហើយ ប៉ុន្តែឥឡូវបានត្រឡប់មកវិញសម្រាប់តម្លៃខ្លួនប្រហែល ៣៩,៥ លានផោន៕
កីឡាករ អិនហ្សូ ហ្វើណង់ដេស
