Cambodia

“គម្រោងស្រែសង្គម” របស់អភិបាលស្រុកបន្ទាយស្រី ទទួលផលបានប្រមាណ១០០តោន ចែកជូនម្ចាស់ដីស្រែហើយនៅសល់បានចែកជូនពលរដ្ឋក្រីក្រ ចាស់ជរា និងជនពិការ ថែមទៀត

“គម្រោងស្រែសង្គម” របស់អភិបាលស្រុកបន្ទាយស្រី ទទួលផលបានប្រមាណ១០០តោន ចែកជូនម្ចាស់ដីស្រែហើយនៅសល់បានចែកជូនពលរដ្ឋក្រីក្រ ចាស់ជរា និងជនពិការ ថែមទៀត

បន្ទាយស្រី៖ យោងតាមការបញ្ជាក់ពីលោក ឃឹម ហ្វីណង់ អភិបាលស្រុកបន្ទាយស្រីបានឲ្យដឹងថា ស្រូវសម្ងួតរួចចំនួន១៦តោន បានមកពីការប្រមូលផលនៃ«គម្រោងស្រែសង្គម» ត្រូវបានចែកជូនបងប្អូនប្រជាពលរដ្ឋម្ចាស់ស្រែទាំង៨៨គ្រួសារនៅក្នុងឃុំព្រះដាក់ ទៅតាមពេលវេលានិងបរិមាណដែលបានគ្រោងទុក ដូចដែលបានសន្យា។

ប្រជាពលដ្ឋម្ចាស់ស្រែមកពីភូមិអូរទទឹង និងភូមិថ្នល់ទទឹងទាំង៤០ហិកតានេះ បានស្ម័គ្រចិត្តប្រគល់ដីស្រែរបស់ខ្លួនរយៈពេល៧ខែ ជូនដល់គម្រោងស្រែសង្គមដើម្បីផលិតជាស្រូវអង្ករទុកសម្រាប់ចែកជូនដល់បងប្អូនប្រជាពលរដ្ឋទីទ័លក្រ ចាស់ជរា ជនពិការ និងអ្នកងាយរងផលប៉ះពាល់ខាងផ្នែកសេដ្ឋកិច្ចពីមេរោគកូវីដ១៩។ ជាការតបស្នង គ្រួសារនីមួយៗត្រូវទទួលបានស្រូវ ក្នុងសមាមាត្រ៤០០គីឡូក្នុងមួយហិកតា ទៅតាមទំហំដីជាក់ស្តែង ដែលជាបរិមាណមួយប្រហាក់ប្រហែល រឺលើសពីអ្វីដែលពួកគាត់តែងតែនៅសល់ក្រោយពីទូទាត់ចំណាយរួចប្រសិនបើធ្វើដោយខ្លួនឯង។

សម្រាប់គ្រួសារទាំង៨៨នេះ ការចូលរួមប្រវាស់ដីស្រែជាមួយនឹងគម្រោងស្រែសង្គម ធ្វើឱ្យពួកគាត់សល់ពេលដើម្បីរកប្រាក់ចំណូលបន្ថែមដោយមិនបាត់បង់ផលប្រយោជន័ដែលធ្លាប់ទទួលបាន ហើយថែមទាំងបានធ្វើបុណ្យដោយប្រយោលដល់អ្នកក្រខ្សត់ទៀតផង។ យោងតាមកិច្ចសន្យា រដ្ឋបាលស្រុកអាចមានសិទ្ធិប្រើប្រាស់ដីស្រែទាំង៤០ហិកតានេះ សម្រាប់ធ្វើស្រូវស្រាលជុំទី២បន្តទៀត ប៉ុន្តែដោយមានការទទូចស្នើសុំការយោគយល់ពីម្ចាស់ស្រែមួយចំនួន ដើម្បីយកដីស្រែទៅធ្វើចម្ការនិងស្រូវស្រាលផ្គត់ផ្គង់ជីវភាពមុនកាលកំណត់ រដ្ឋបាលស្រុកបានសម្រេចប្រគល់ដីស្រែជូនទៅដល់ម្ចាស់ទាំងអស់វិញមុនកិច្ចសន្យា។

ជាមួយនឹងទិន្នផលស្រូវប្រមាណ១០០តោននៃគម្រោងស្រែសង្គម ក្រោយពីសម្ងួតនិងទូទាត់ជាអាទិភាពជូនម្ចាស់ស្រែនីមួយៗរួចរាល់ហើយ ស្រូវដែលនៅសេសសល់ទាំងអស់នឹងត្រូវបានយកទៅចែកជូនជាបន្តបន្ទាប់នៅតាមឃុំនីមួយៗជូនប្រជាពលរដ្ឋទីទ័លក្រ និងជនងាយរងផលប៉ះពាល់ដូចជាចាស់ជរា និងជនពិកាផងដែរ។

ឆ្លៀតឱកាសនេះ រដ្ឋបាលស្រុកក៏បានប្រគល់លិខិតថ្លែអំណរគុណដល់លោកអុឹង គឹមសាន ដែលបានផ្តល់ម៉ាសុីនច្រូតស្រូវដោយឥតគិតថ្លៃដល់គម្រោង និងយុវជនស្ម័គ្រចិត្ត សសយក ដែលបានចូលរួមជាកំលាំងជួយបាច់ជី និងច្រូតស្រូវក្នុងពេលកន្លងមក៕ ប្រភព៖ Khmer Note

Football news:

Rashford on victory over PSG: Manchester United now have a strong position in the group
Nagelsmann victory over Istanbul: Not fully satisfied with the game Leipzig was fatigue, not the most effective pressure
Goalkeeper Brugge Croat about 2:1 with Zenit: We proved that we should not be considered outsiders of the group
Manchester United won again in Paris with a late Rashford goal. An unexpected hero - a 22-year-old reservist who has not been on the field since December 2019
Jurgen Klopp: first Oliver didn't see the moment, then VAR forgot the rules. And the consequences came only for van Dijk and Tiago
Favre on the defeat against Lazio: Dortmund lacked determination. We needed to play an outstanding game, and we didn't
Lampard on 0:0 with Sevilla: I think both teams are happy with the draw