Views: 2
ប្រែសម្រួលៈបំណង(វ៉េអិនអិចស្ព្រេស)៖ បុរសរស់នៅទីក្រុងហូជីមិញ នៅវៀតណាមខាងត្បូងម្នាក់ត្រូវបានកាត់ទោសដាក់គុក១៦ឆ្នាំកាលពីថ្ងៃពុធទី៧ធ្នូចំពោះការសម្លាប់ចោរលួចឆ្កែម្នាក់។
រំលឹកថា កាលពីថ្ងៃ៧វិច្ឆិកាឆ្នាំមុន លោកឡាយ វ៉ាន់ ថូ(Lai Van Tho)អាយុ៦៦ឆ្នាំ បានសង្ស័យថា វ៉ូ ថាញ់ ជុង(Vo Thanh Trung)និងក្រុមរបស់គេបានលួចឆ្កែគ្រួសាររបស់លោកនិងលោកបានឈ្លោះប្រកែកនិងប្រឈមតតាំងជាមួយក្រុមនេះ ជាមួយនឹងកូនប្រុសពីរនាក់របស់គាត់។
នៅពេលក្រុមរបស់ជុងចាប់ផ្តើមគ្រវីឧបករណ៍ឆក់និងកាំបិតគំរាម លោកថូនិងកូនបានរើសដំបងឬស្សីនិងពូថៅព្រមានតប។ក្រុមរបស់ជុងបន្ទាប់មកព្យាយាមរត់គេចនិងលោតចូលប្រឡាញទឹកមួយ។ជុងបានហែលទឹកទៅម្ខាងប្រឡាយតែមានមនុស្សនៅរង់ចាំជាស្រេចដូច្នេះគាត់បានព្យាយាមហែលទឹកមកវិញ ។ថូដែលឈរចាំនៅមាត់ប្រឡាញ បានវាយជុងម្តងហើយម្តងទៀតជាមួយដំបងឬស្ស៊ីនិងមិនអនុញ្ញាតអោយបុរសដែលគាត់គិតថាជាចោរលួចឆ្កែឡើងពីទឹកទេ។
នៅទីបំផុត ជុងបានលង់ទឹកស្លាប់ទៅ។
នៅតុលាការប្រជាជនក្រុងហូជីមិញ លោកថូបានសារភាពថាបានវាយជុង តែមិនបានបំណងសម្លាប់ទេ។
ឡាយ វ៉ាន់ ថូ នៅក្នុងតុលាការប្រជាជនក្រុងហូជីមិញកាលពីថ្ងៃ៧ធ្នូ
វៀតណាមប្រើប្រាស់សាច់ឆ្កែប្រមាណ៥លានក្បាលក្នុងមួយឆ្នាំ ជាប្រទេសស៊ីសាច់ឆ្កែធំបំផុតទីពីរបន្ទាប់ពីចិន(២០លានក្បាល)។សាច់ឆ្កែដែលត្រូវបានបំរើជាអាហារនៅតាមភោជ្ជនីយដ្ឋានជាច្រើនភាគច្រើនជាឆ្កែចិញ្ចឹមដែលត្រូវបានគេលួចយកទៅលក់អោយក្រុមកាប់សាច់ខុសច្បាប់។
តាមពិតទៅការលួចឆ្កែកម្រចាត់ទុកជាបទឧក្រិដ្ឋណាស់នៅវៀតណាម ដរាបណាសត្វចិញ្ចឹមដែលត្រូវបានលួចនោះមិនមានតំលៃលើស២លានដុង(៨៦ដុល្លារ)ឡើង។
ជុំវិញចោរលួចឆ្កែនេះដែរ បុរសបីនាក់នៅក្នុងខេត្តដាឡាក់ភាគកណ្តាលត្រូវបានចោទប្រកាន់ពីបទឃាតកម្មកាលពីខែកញ្ញាឆ្នាំនេះ ដោយសារតែពួកគេបានបើករថយន្យបុកចោរលួចឆ្កែម្នាក់ដល់ស្លាប់។
បុរសទាំងបីត្រូវប៉ូលិសឃាត់ខ្លួនដោយសារបើកឡានដេញបុកចោរលួចឆ្កែ
កាលពីឆ្នាំ២០២១ក៏មានរឿងចម្លែកជុំវិញចោរលួចឆ្កែ ដោយបុរសម្ចាស់ឆ្កែត្រូវចោរលួចឆ្កែបីនាក់ប្រើកាំភ្លើងឆក់ឆ្កែ ឆក់អោយស្លាប់ភ្លាមៗនៅពេលគាត់ព្យាយាមចាប់ពួកចោរលួចឆ្កែរបស់គាត់នៅក្នុងខេត្តឡុងអាន។ក្រោយមកប៉ូលិសបានចាប់ចោរទាំងបីនិងម្នាក់ត្រូវបានចោទប្រកាន់ពីបទមនុស្សឃាត៕
