Cambodia

ការងារ​អភិបាល​រាជធានី​សប្តាហ៍​មុន​មាន​ប្រជុំ​ដោះស្រាយ​បញ្ហា​ជាច្រើន ពិសេស​ការដោះស្រាយ​បញ្ហា​លិចលង់​ដោយ​ជំនន់​ទឹកភ្លៀង​

ដោយ​: រ៉ា​ម៉ន / ភ្នំពេញ​: លោក​ឃួ​ង ស្រេង អភិបាល​រាជធានី​ភ្នំពេញ​ក្នុង​១​សប្តាហ៍​កន្លងទៅនេះ​បាន​អញ្ជើញ​ជា​អធិបតី​ក្នុង​ប្រជុំ​ដោះស្រាយ​បញ្ហា​ជាច្រើន ពិសេស​នោះ​គឺ​ដោះស្រាយ​បញ្ហា​លិចលង់​ដោយ​ទឹកជំនន់​។​

​លោក​ឃួ​ង ស្រេង អភិបាល​រាជធានី​ភ្នំពេញ កាលពី​ថ្ងៃទី ២៧ ខែ វិច្ឆិកា​បាន​អញ្ជើញ​ជា​អធិបតី​ក្នុង​កិច្ចប្រជុំ​ស្ដីពី​ការអភិវឌ្ឍ​ស្ថានីយ​បូម​បឹងទំពុន នៅ​សង្កាត់​បឹងទំពុន​ទី​១​ខណ្ឌមានជ័យ នៅ​សាលា​រាជធានី​ភ្នំពេញ ។ ក្នុង​កិច្ចប្រជុំ​នោះ​អភិបាល​រាជធានី​ភ្នំពេញ​មាន​ផែនការ​បំពាក់​ម៉ាស៊ីនបូមទឹក​ថ្មី​មួយគ្រឿង​ទំហំ​១​ម៉ែត្រ​កន្លះ​១​គ្រឿង និង​ទំហំ​១​ម៉ែត្រ​២​តឹក​ចំនួន​២​គ្រឿង រួមទាំង​ការស្តារ​ប្រឡាយទឹក​ឱ្យ​កាន់តែ​ធំ និង ជីក​បុក​ស៊ី​ផាយ​អម​សងខាង​ប្រឡាយ នៅ​ស្ថានីយ​បូមទឹក​បឹងទំពុន ដើម្បី​ព​ន្លឿ​ន​ការបូមទឹក​ឱ្យបាន​លឿន បញ្ចៀស​នូវ​ការលិចលង់​ដោយ​ជំនន់​ទឹក​ទឹកភ្លៀង​នៅ​ឆ្នាំក្រោយៗ​ទៀត ។​

​កាលពី​ថ្ងៃទី​២៥​ខែវិច្ឆិកា​នេះ​លោក​ឃួ​ង ស្រេង អភិបាល​រាជធានី​ភ្នំពេញ និង​លោកប៉ា សុជាតិ​វង្ស ប្រធាន​ក្រុមប្រឹក្សា​រាជធានី​ភ្នំពេញ បាន​អញ្ជើញ​ជា​អធិបតីភាព​ក្នុង​កិច្ចប្រជុំ​វិសាមញ្ញ​លើកទីមួយ របស់​ក្រុមប្រឹក្សា​រាជធានី​ភ្នំពេញ ហើយ​ក្នុង​កិច្ចប្រជុំ​នោះ ក៏បាន​ផ្ដោត​សំខាន់​ទៅលើ​ការដោះស្រាយ​បញ្ហា​ទឹក​លិចលង់ នៅក្នុង​រាជធានី​ភ្នំពេញ​ផងដែរ ដោយមាន​វិធានការ​ទប់​ទំនប់​សណ្ត​ស្ទឹង​ព្រែក​ត្នោត​ឲ្យ​បាន​ខ្ពស់ ដើម្បី​កាត់បន្ថយ​បាន​នូវ​ហានិភ័យ​របស់​បងប្អូន​ប្រជាពលរដ្ឋ​។​

​លោក​ឃួ​ង ស្រេង អភិបាល​រាជធានី​ភ្នំពេញ​កាលពី​រសៀល​ថ្ងៃទី ២៣​វិច្ឆិកា ក៏បាន​ជួប​សម្ដែង​ការគួរសម​ជាមួយ​លោក ស៊ូ​ហ្កា​ណូ យូ​អ៊ី​ឈី ប្រធាន​តំណាង​ទីភ្នាក់ងារ​សហប្រតិបត្តិ​ការ​អន្តរជាតិ​ជប៉ុន​បញ្ចប់​អណ​ត្តិ​(JICA ) និង​លោកស្រី​កា​ម៉េ ហា​រុ​កុ ប្រធាន​តំណាង​ថ្មី​នៃ​ទីភ្នាក់ងារ​សហប្រតិបត្តិ​ការ​អន្តរជាតិ​ជប៉ុន (JICA) នៅ​សាលា​រាជធានី​ភ្នំពេញ ហើយ​ជំ​នួន​នោះ ក៏បាន​លើកឡើង​ពី​ការដោះស្រាយ​បញ្ហា​លិចលង់ ដោយ​ជំនន់​ទឹកភ្លៀង នៅក្នុង​រាជធានី​ភ្នំពេញ​ផងដែរ ពិសេស​ការកសាង​នៅ​អាង​ប្រព្រឹត្តិកម្ម​ទឹក​កខ្វក់​ឱ្យ​ក្លាយជា​ទឹកស្អាត​មុននឹង​បង្ហូរទឹក​ចូលទៅក្នុង​ទន្លេ​៕​

Football news:

Ramos is the most productive defender in the period from 2011 to 2020. He has 89 goals (IFFHS)
Frank Lampard: Chelsea have lost some ground. Our character remained the same, he won us matches
Ko view in the Frame: 2 employees of the club fell ill. Medical examination of El Shaarawy postponed
Klopp on Salah's future: I don't think it will ruin the season. Normal thing for the world of football
Solskjaer on van de Beek: I would Not say that he is happy. In his position, there are players who are really good
Lester is Interested in Edouard. Rogers worked with the forward seltice
The minges can come in the start of Barca vs Elche. Desta has a muscle injury