Cambodia
This article was added by the user . TheWorldNews is not responsible for the content of the platform.

កម្ពុជា​នឹង​បញ្ជូន​កីឡា​១១​ប្រភេទ​ទៅ​ចូលរួម​ព្រឹត្តិការណ៍​អាស៊ាន​ប៉ា​រ៉ា​ហ្គេម​ទី​១១​នៅ​ឥណ្ឌូនេស៊ី​

Views: 1

ដោយ​: សុវណ្ណ​កុម្ភៈ​/​ភ្នំពេញ​: ព្រឹត្តិការណ៍​អាស៊ាន​ប៉ា​រ៉ា​ហ្គេម​លើក​ទី​១១​នៅ​ឥណ្ឌូនេស៊ី​ដែល​គ្រោង​ធ្វើ​ពីថ្ងៃ​ទី​២៣ ដល់​៣០ ខែកក្កដា​ ​ឆ្នាំ​២០២២​នោះ កម្ពុជា​នឹង​បញ្ជូន​កីឡា​ចំនួន​១១​ប្រភេទ​ទៅ​ចូលរួម​ប្រកួត ។​

​ព្រឹ​ត្ត​ការណ៍​កីឡា​អាស៊ាន​ប៉ា​រ៉ា​ហ្គេម​លើក​ទី​១១ ត្រូវបាន​ប្រទេស​ឥណ្ឌូនេស៊ី​ស្នើសុំ​ធ្វើជា​ម្ចាស់ផ្ទះ​ជំនួស​ក្រោយ​វៀតណាម​សម្រេច​​លុបចោល ដោយ​ទទួល​ធ្វើ​តែ​ស៊ី​ហ្គេម​ដែល​ទើបតែនឹង​បញ្ចប់ទៅ​នាពេល​ថ្មីៗ​កន្លងមកនេះ ។​

​កីឡា​ទាំង​១១​ប្រភេទ​ដែល​កម្ពុជា​នឹង​បញ្ជូនទៅ​ចូលរួម​នោះ​មាន​កីឡា អត្តពលកម្ម ហែល​ទឹក វាយ​កូនឃ្លី​លើ​តុ បាល់ទះ​អង្គុយ បាល់បោះ​ជនពិការភ្នែក វាយ​សី លើក​ទម្ងន់ បាញ់​ធ្នូ អុក បាល់ទាត់​៧​ម្ខាង និង​បាល់បោះ​រទេះ​។​សូមបញ្ជាក់ថា​អាស៊ាន​ប៉ា​រ៉ា​ហ្គេម​លើក​ទី​១០ ​ឆ្នាំ​២០១៩ ដែល​ត្រូវ​ហ្វីលីពីន​ធ្វើជា​ម្ចាស់ផ្ទះ​នោះបាន​ត្រូវ​លុបចោល​ម្ដង​ហើយ ហើយ​សម្រាប់​លើក​នេះ​ទៀត​វៀតណាម​ក៏​លុបចោល​ដែរ​តែ​ប្រទេស​​ឥណ្ឌូនេស៊ី​បានទទួល​ធ្វើជា​ម្ចាស់ផ្ទះ​ជំនួស ។​

សម្រាប់​ឆ្នាំ​២០២៣ ដែល​កម្ពុជា​ធ្វើជា​ម្ចាស់ផ្ទះ​ស៊ី​ហ្គេម​នោះ​កម្ពុជា​ក៏​នឹង​ធ្វើជា​ម្ចាស់ផ្ទះ​នៃ​ព្រឹត្តិការណ៍​អាស៊ាន​ប៉ា​រ៉ា​ហ្គេម​លើក​ទី​១២
​ដែរ​។ ថ្ងៃទី​៣០ ខែកក្កដា ឆ្នាំ​២០២២៣ ដែលជា​ថ្ងៃ​បិទ​ព្រឹត្តិការណ៍​អាស៊ាន​ប៉ា​រ៉ា​ហ្គេម​លើក​ទី​១១​នោះ​កម្ពុជា​នឹង​ទទួល​ទង់​អាស៊ាន​ប៉ា​រ៉ា​ហ្គេម​ដើម្បី​ធ្វើ​
​ជា​ម្ចាស់ផ្ទះ​ឆ្នាំ​២០២២ ។​

​សូមបញ្ជាក់ថា​ក្នុង​ព្រឹ​ត្ត​ការណ៍​អាស៊ាន​ប៉ា​រ៉ា​ហ្គេម​លើក​ទី​៩ ឆ្នាំ​២០១៧ នៅ​ប្រទេស​ម៉ាឡេស៊ី​កម្ពុជា​ដណ្តើមបាន​មេដាយ​សរុប​១០
​គ្រឿង​ដែល​ក្នុងនោះ​មេដាយប្រាក់​ចំនួន​៥​គ្រឿង និង​មេដាយសំរិទ្ធ​ចំនួន​៥​គ្រឿង​៕​

Post navigation