Cambodia

កំណើនសេដ្ឋកិច្ច​កម្ពុជា នឹង​ងើប​ឡើងវិញ ក្នុង​រង្វង់​៣,៥​ភាគរយ នៅ​ឆ្នាំ​២០២១

​ភ្នំពេញ​៖ កំណើនសេដ្ឋកិច្ច​កម្ពុជា នឹង​ងើប​ឡើងវិញ នៅក្នុង​រង្វង់​៣,៥​ភាគរយ នា​ឆ្នាំ​២០២១ ក្រោយ​ធ្លាក់ចុះ​ដោយសារ​វិបត្តិ​កូ​វីដ​-១៩ ។ នេះ​បើតាម​ការ​ព្យាករ​របស់​រដ្ឋាភិបាល នៅក្នុង​«​សេចក្ដីព្រាងច្បាប់​ស្ដីពី​ហិរញ្ញវត្ថុ​សម្រាប់​ការគ្រប់គ្រង​ឆ្នាំ​២០២១» ដែល​ចេញផ្សាយ​ដោយ​លោក ផៃ ស៊ី​ផាន អ្នកនាំពាក្យ​រដ្ឋាភិបាល នៅលើ​ហ្វេ​ស​ប៊ុ​ក​។​

 

​ការ​ព្យាករ​របស់​រដ្ឋាភិបាល បាន​បង្ហាញថា កំណើន​ក្នុង​រង្វង់ ៣,៥​ភាគរយ​នេះ ធ្វើឱ្យ​ផលិតផល​ក្នុងស្រុក​សរុប (​ផ​.​ស​.​ស​.) ថ្លៃ​បច្ចុប្បន្ន​ស្ថិតក្នុង​រង្វង់ ១១៧, ៩៣៩ ប៊ី​លាន​រៀល សមមូល​នឹង​ប្រមាណ ២៩, ០១៣ លាន​ដុល្លារ​អាមេរិក ស្រប​ពេលដែល ផ​.​ស​.​ស​. សម្រាប់​មនុស្ស​ម្នាក់​ត្រូវបាន​រំពឹងថា នឹង​កើន​ឡើងដល់​១,៧៧១​ដុល្លារ​អាមេរិក បើ​ប្រៀបធៀប​នឹង​១,៦៨៣​ដុល្លារ​អាមេរិក ក្នុង​ឆ្នាំ​២០២០​។​
 

​ការ​ព្យាករ​របស់​រដ្ឋាភិបាល​នេះ ដោយ​សម្អាង​លើ​ការ​ងើប​ឡើងវិញ នៃ​វិស័យ​មួយចំនួន រួមមាន​វិស័យ​ឧស្សាហកម្ម ដែល​អាច​ស្ទុះ​ឡើងវិញ ក្នុង​អត្រាកំណើន ៤,១​ភាគរយ ក្នុង​ឆ្នាំ​២០២១ ពី​កំណើន​អវិជ្ជមាន​ក្នុង​អត្រា -២,២​ភាគរយ​ក្នុង​ឆ្នាំ ២០២០ ។ រីឯ​វិស័យ​សេវាកម្ម​ត្រូវបាន​ព្យាករ​ថា នឹងមាន​កំណើន​ក្នុង​អត្រា​ទាប​៣,៦​ភាគរយ​ក្នុង​ឆ្នាំ​២០២១ បើ​ប្រៀបធៀប​នឹង​កំណើន​អវិជ្ជមាន​ក្នុង​អត្រា -៣​ភាគរយ​ក្នុង​ឆ្នាំ​២០២០​។​
 

​ដោយឡែក​វិស័យ​កសិកម្ម ត្រូវបាន​ប៉ាន់​ស្មានថា​កើនឡើង​ក្នុង​អត្រា​១,៦​ភាគរយ​ក្នុង​ឆ្នាំ​២០២១ ពី​កំណើន​០,៩​ភាគរយ​ក្នុង​ឆ្នាំ​២០២០ ដោយសារ​ការកើនឡើង​នៃ​អនុវិស័យ​ដំណាំ អនុវិស័យ​ចិញ្ចឹមសត្វ និង​អនុវិស័យ​នេសាទ​។ អនុវិស័យ​ដំណាំ​ត្រូវបាន​ព្យាករ​ថា នឹង​សម្រេចបាន​កំណើន​ខ្ពស់ជាង​ឆ្នាំ ២០២០ ដោយសារ​ការរំពឹងទុក​នូវ​កំណើន​ផលិតកម្ម​កសិកម្ម ស្រប​ពេលដែល​ថ្លៃ និង​តម្រូវការ​ខាងក្រៅ​មានការ​កើនឡើង​។​នេះ​បើតាម​ការ​ព្យាករ​នៅក្នុង​«​សេចក្ដីព្រាងច្បាប់​ស្ដីពី​ហិរញ្ញវត្ថុ​សម្រាប់​ការគ្រប់គ្រង​ឆ្នាំ​២០២១» ។​

​បើតាម​ការ​ព្យាករ​ដដែល វិស័យ​ទេសចរណ៍ អនុវិស័យ​កាត់ដេរ អនុវិស័យ​សំណង់ និង​សកម្មភាព​សេដ្ឋកិច្ច​ផ្សេងទៀត នឹង​ងើប​ឡើងវិញ​ក្នុង​កម្រិត​ទាប ខណៈដែល​អនុវិស័យ​ក​ម្មន្ត​សាល​មិនមែន​កាត់ដេរ​ត្រូវបាន​រំពឹងថា នៅ​រក្សាបាន​កំណើន​ល្អប្រសើរ​។​
 

​ដើម្បី​សម្រេចបាន​កំណើនសេដ្ឋកិច្ច​ក្នុង​រង្វង់ ៣,៥​ភាគរយ នៅ​ឆ្នាំ​២០២១ ក្នុង​បរិបទ​នៃ​ការកើនឡើង​នូវ​ភាពមិនប្រាកដប្រជា ទាំង​ក្នុង​និង​ក្រៅប្រទេស​នេះ រដ្ឋាភិបាល​នឹង​បន្តសកម្មភាព​រក្សា​លំនឹង​សង្គម​-​សេដ្ឋកិច្ច តាមរយៈ​ការបន្ត​ប្រយុទ្ធ​ប្រឆាំងនឹង​ជំងឺ​កូ​វី​៨-១៩ និង​ការបន្ត​រក្សា​លំនឹង​សកម្មភាព​អាជីវកម្ម ព្រមទាំង​ការបន្ត​រក្សា​លំនឹង​ជីវភាព​ប្រជាជន​។ ក្នុងនោះ​រួមមាន ការ​ផ្តល់នូវ​ការលើកទឹកចិត្ត​និង​ការអនុគ្រោះ​ផ្នែក​សារពើពន្ធ គួបផ្សំ​នឹង​ការជំរុញ​ផ្តល់​ឥណទាន ព្រមទាំង​ការបង្កើន​សន្ទនីយ​ភាព​ទៅក្នុង​ទីផ្សារ ដើម្បីឱ្យ​អាជីវកម្ម​អាច​បន្ត​ដំណើរការបាន​។ ជាពិសេស​ការអនុវត្ត​នូវ​កម្មវិធី​ផ្ទេរ​សាច់ប្រាក់​កម្មវិធី​សាច់ប្រាក់​ពលកម្ម  និង​កម្មវិធី​បណ្តុះបណ្តាល​ជំនាញ​រយៈពេល​ខ្លី ដើម្បី​បង្កើន​លទ្ធភាព​បង្កើត​អាជីវកម្ម​ផ្ទាល់ខ្លួន ហើយ​ចាប់យក​ការងារ​ក្នុង​វិស័យ​ថ្មី  ឬ​មាន​បច្ចេកទេស​ខ្ពស់ជាង​មុន រួមទាំង​បង្កើត​ការងារ​ថ្មី​ជំនួស​ការងារ ដែល បាត់បង់​ជំរុញ​សកម្មភាព អាជីវកម្ម​របស សហគ្រាស​ធុន​តូច និង​មធ្យម​ជាដើម​។ នេះ​បើតាម​ការកំណត់​ទិសដៅ​របស់​រដ្ឋាភិបាល​។​
 

​មិនតែប៉ុណ្ណោះ រដ្ឋាភិបាល ក៏បាន​ដាក់​គោលនយោបាយ​ជំរុញ​សេដ្ឋកិច្ច តាមរយៈ​ការធ្វើ​ពិពិធ​កម្ម​សេដ្ឋកិច្ច​ក្នុងនោះ រួមមាន​ការជំរុញ​ការធ្វើ​ពិពិធ​កម្ម​ផលិតកម្ម និង​សេវាកម្ម ,​ការជំរុញ​ការធ្វើ​ពិពិធ​កម្ម​ទីផ្សារ ដោយ​ស្វែងរក​ទីផ្សារ​ក្រៅ​ស្រុក​បន្ថែម ទាំង​ពហុភាគី​និង​ទ្វេភាគី តាមរយៈ​ការពង្រីក​ទីផ្សារ​ក្រៅប្រទេស​ទៅក្នុង​ល្អាង​ពាណិជ្ជកម្ម​ថ្មីៗ​, ការបន្ត​កែទម្រង់​ជា​រចនាសម្ព័ន្ធ  ដោយ​ពង្រឹងសមត្ថភាព​ស្ថាប័ន​ក្នុងការ​ដឹកនាំ និង​អនុវត្ត​គោលនយោបាយ និង​វិធានការ​នានា ។ 
 

​ជាពិសេស​ការបន្ត​បង្កើន​ភាព​ប្រកួតប្រជែង តាមរយៈ​វិធានការ​សំខាន់ៗ​រួមមាន ការជួយ​សម្រួល​កាត់បន្ថយ​ថ្លៃដើម​ពេលវេលា និង​បង្កើន​ភាពងាយស្រួល​ដល់​កា​ធ្វើ​អាជីវកម្ម ,​កាត់បន្ថយ​ថ្លៃ និង​ធានា​ស្ថិរភាព​នៃ​ការផ្គត់ផ្គង់​អគ្គិសនី​, កាត់​បន្ថយថ្លៃ​ដឹកជញ្ជូន និង ឡូ​ជី​ស្ទីក ,​បង្កើន​ការតភ្ជាប់​ឌីជីថល និង​ហេដ្ឋារចនាសម្ព័ន្ធ​រូបវន្ត ,​បង្កើន​ការបណ្តុះបណ្តាល​ជំនាញ  ,​កាត់បន្ថយ​កម្រៃ​សេវា​មិន​ផ្លូវការ ,​លើកកម្ពស់​សេវា​បង់ពន្ធ ,​កាត់បន្ថយ​ការធ្វើ​សវនកម្ម និង​អធិការកិច្ច​ត្រួតគ្នា និង​ជំរុញ​ការប្រកួតប្រជែង​ដោយ​ស្មើភាព​។ 

​តាម​ការវាយតម្លៃ​ពី​សំណាក់​ស្ថាប័នហិរញ្ញវត្ថុ​អន្តរជាតិ​ធំៗ​កន្លងមក សេដ្ឋកិច្ចកម្ពុជា​នៅ​ឆ្នាំ​២០២០  ត្រូវបាន​ប៉ាន់​ស្មានថា នឹងមាន​កំណើន​អវិជ្ជមាន​ក្នុង​អត្រា​-១,៩ ភាគរយ ដោយសារ​វិបត្តិ​កូ​វីដ​-១៩៕

Football news:

19-year-old midfielder Sevikyan made his debut for Levante in La Liga. He is a pupil of Lokomotiv
Barca Director Amor: Messi gave a lot to the club, and the club gave a lot to Leo. I hope he finishes his career here
Dele Ayenugba: they didn't believe in African goalkeepers in Europe, but now a Senegalese is playing in Chelsea, and a Cameroonian is playing in Ajax
Bavaria has watched the midfielder, Inter Aguma. He was included in the list of the best born in 2002
Davies can play in the match Bayern-Lokomotiv, Kimmich-at the beginning of the new year
Barcelona can sign Atalanta midfielder de Ron for free
Hyslop on the racism of Newcastle fans: from 50 yards they insulted me, from 50 feet they sang my name