Cambodia

ក្រសួងកសិកម្ម កំពុង​រក​យុទ្ធសាស្ត្រ​ឲ្យ​តម្លៃ​ជ្រូក​រស់ សល់​ត្រឹម​តម្លៃ​ថេរ ១២,០០០​រៀល​ក្នុង​មួយ​គីឡូក្រាម

ជាតិ

សេដ្ឋកិច្ច

ក្រសួងកសិកម្ម កំពុង​រក​យុទ្ធសាស្ត្រ​ឲ្យ​តម្លៃ​ជ្រូក​រស់ សល់​ត្រឹម​តម្លៃ​ថេរ ១២,០០០​រៀល​ក្នុង​មួយ​គីឡូក្រាម

លោក ផាន់ណារ៉ា (ខាងលើ), លោក ចាន់ថេត (ខាងក្រោមឆ្វេង), លោក ពៅ ពាក់ម៉ាស់ (ខាងក្រោមស្ដាំ)។

លោក ផាន់ណារ៉ា (ខាងលើ), លោក ចាន់ថេត (ខាងក្រោមឆ្វេង), លោក ពៅ ពាក់ម៉ាស់ (ខាងក្រោមស្ដាំ)។

​ភ្នំពេញ​៖ អគ្គនាយកដ្ឋាន​សុខភាព​សត្វ និង​ផលិតកម្ម​សត្វ លោក តាន់ ផាន់​ណា​រ៉ា អះអាងថា ក្រសួងកសិកម្ម​កំពុង​ដំណោះស្រាយ​ឲ្យ​តម្លៃ​ជ្រូក​រស់នៅ​ថេរ​ត្រឹម​១២០០០​រៀល ដើម្បី​សម្រួល​ដល់​អ្នក​បរិភោគ​សាច់ជ្រូក​។

​លោក ផាន់​ណា​រ៉ា អះអាង​ប្រាប់​សារព័ត៌មាន​ថ្មីៗ​តាម​ទូរស័ព្ទ​ថា  ក្រុមហ៊ុន​នាំចូល​ជ្រូក​បាន​ផ្អាក​ការនាំ​ចូល​មួយ​រយៈពេល​សិន ដោយសារ​មិន​ចំណេញ ព្រោះតែ​តម្លៃ​ជ្រូក​រស់នៅ​ត្រឹម​១២,០០០​រៀល​ក្នុង​មួយ​គីឡូក្រាម​នេះ​។ «​អ្វីដែល​ខ្ញុំ​បាន​ជជែក​ជាមួយ​សមាគម​ចិញ្ចឹមសត្វ​ថ្ងៃនេះ គឺ​ជ្រូក​រស់នៅ​ត្រឹម​១២,០០០​រៀល​។ ក្រុមហ៊ុន​នាំចូល​ជ្រូក​បាន​ផ្អាក​ការនាំ​ចូល​ហើយ​។ បើ​ជ្រូក​ក្នុងស្រុក​តែ​១២,០០០​រៀល​គាត់​នាំចូល​មិនកើត​បើ​តម្លៃ​នាំចូល​ពី​ថៃ​ប្រហាក់ប្រហែល​១១,០០០​រៀល ហើយ​បើក​បង់ពន្ធ​ទៀត គាត់​យក​ចូលមក​អត់​កើត​ទេ​។ យើង​កំពុងធ្វើការ​ងារ​លើ​រឿង​ហ្នឹង​(​ឲ្យ​តម្លៃ​ជ្រូក​ថេរ​នៅត្រឹម​១២,០០០​រៀល​) ប៉ុន្តែ​វា​អាស្រ័យ​លើ​ប្រទេសជិតខាង​ដែរ​»​។​
 

​រដ្ឋ​ម​ន្រី្ត​ក្រសួងកសិកម្ម លោក វេ​ង សាខុន បានអនុញ្ញាត​ឲ្យ​ប្រធាន​សមាគម​ចិញ្ចឹមសត្វ​កម្ពុជា សម្របសម្រួល​ជាមួយ​ភាគី​ពាក់ព័ន្ធ​លើ​តម្លៃ​ជ្រូក​រស់​នេះ ។​នេះ​បើតាម​បញ្ជាក់​របស់ លោក ស្រ៊ុន ពៅ ដោយ​បញ្ជាក់ថា លោក​បាន​សម្របសម្រួល​ជាមួយ​កសិដ្ឋាន​ធំៗ​ក្នុងស្រុក​ឲ្យ​បញ្ចុះតម្លៃ​ជ្រូក​រស់​ហើយ​។ 
 

​លោក ស្រ៊ុន ពៅ ថ្លែងប្រាប់​សារព័ត៌មាន​ថ្មីៗ​តាម​ទូរស័ព្ទ​ថា​៖ «​តម្លៃ​ជ្រូក​រស់​របស់​កសិដ្ឋាន​ធំៗ​ក្នុងស្រុក​ថ្ងៃនេះ គឺ​នៅត្រឹម​១២,៥០០​រៀល បន្ទាបពី​មានការ​សម្របសម្រួល​។ ចំណែក​តម្លៃ​ជ្រូក​រស់​របស់​ក្រុមហ៊ុន​នាំចូល​ជ្រូក​ខាង​ក្រសួងកសិកម្ម​ថា នឹង​ដោះស្រាយ​ដោយផ្ទាល់ ដោយសារ​សមាគម​ខ្ញុំ ជា​សមាគម​ចិញ្ចឹមសត្វ​អាច​សម្របសម្រួល​ដល់​អ្ន​ក​ចិញ្ចឹម​ក្នុងស្រុក​បាន ហើយ​ក្រុមហ៊ុន​នាំចូល​ជ្រូក​មិនមាន​អ្វី​ពាក់ព័ន្ធ​ជាមួយ​ខាង​ខ្ញុំ​ឡើយ​»​។ 
 

​បច្ចុប្បន្ននេះ​តម្លៃ​ជ្រូក​រស់​របស់​ម្ចាស់​កសិដ្ឋាន និង​ក្រុមហ៊ុន​នាំចូល​ជ្រូក មាន​ចំនួន​ពី​១៣៦០០ ទៅ​១៤០០០​រៀល ក្នុង​មួយ​គីឡូក្រាម​។ នៅ​កម្ពុ​ជាមាន​ក្រុមហ៊ុន​៧ ដែល​ក្រសួង​អនុញ្ញាត​ឲ្យ​នាំចូល​ជ្រូក​។ ប៉ុន្តែ​កាលពី​ថ្ងៃទី​២០ ខែឧសភា​នេះ ក្រសួង​បាន​បញ្ឈប់​ក្រុមហ៊ុន​មួយ ដោយសារ​នាំចូល​ជ្រូក​គ្មាន​លិខិត​ពិនិត្យ​សុខភាព​ច្បាស់លាស់​។ ក្រសួងកសិកម្ម អនុញ្ញាត​ឲ្យ​ក្រុមហ៊ុន​នីមួយៗ​នាំចូល​ជ្រូក​៣០០​ក្បាល​ប៉ុណ្ណោះ មកកាន់​រាជធានី​ភ្នំពេញ ហើយ​ជ្រូក​នៅសល់ គឺ​ដាក់​តាម​បណ្ដាល​ខេត្ត​។​
 

​សមាគម​អ្នក​ចិញ្ចឹម​ជ្រូក​កម្ពុជា ធ្លាប់បាន​បញ្ជាក់ថា កម្ពុជា ចំណាយ​ថវិកា​ជាង​៤០០​លាន​ដុល្លារ​ក្នុង​មួយឆ្នាំ​លើ​ការ​នាំចូល​ជ្រូក សម្រាប់​ផ្គត់​ផ្គង​តម្រូវការ​ក្នុងស្រុក​។​
 

​កម្ពុ​ជាមាន​ត្រូវការ​ជ្រូក​ប្រមាណ​៩​ពាន់​ក្បាល​ក្នុង​ក្បាល​ក្នុង​មួយថ្ងៃ​។ ប៉ុន្តែ​កម្ពុជា​មានលទ្ធភាព​ផ្គត់ផ្គង់​ជ្រូករ​ស់បាន​ប្រមាណ​៧០​ភាគរយៈ​ប៉ុណ្ណោះ ពោលគឺ​ប្រមាណ​៦​ពាន់​ក្បាល​ក្នុង​មួយថ្ងៃ​។​សត្វ​ជ្រូក ដែល​កំពុង​ចិញ្ចឹម​ទាំងអស់​នៅ​កម្ពុជា មាន​ចំនួន​២.៣​លាន​ក្បាល​។ នេះ​បើតាម​របាយការណ៍​ពី​ក្រសួងកសិកម្ម​៕ 


© រក្សាសិទ្ធិដោយ thmeythmey.com

Football news:

39-year-old belezoglu is the first player in the history of the Turkish championship to score in four decades
Watch your language when you talk about Florence. The poor are also robbed. Fiorentina fans responded to Ribery
Manchester United and Manchester City will compete for Coulibaly and Skrinjara
Juventus and Manchester City are the leaders in the fight for Adam Traore
Pep Guardiola: I Want Messi to stay in Barcelona
Kike Of Setian: Of course, we can win the championship. This is evidenced by facts and mathematics
Bartomeu on Messi: We have to renew the contract. Leo told me that he wants to finish his career at Barca