logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
star Bookmark: Tag Tag Tag Tag Tag
Cambodia

ក្រុមការងារ​ចម្រុះ​របស់​រដ្ឋបាលខេត្ត​សៀមរាប​ចុះបង្ក្រាប​បទល្មើស​ជលផល

ចែករម្លែក

ដោយ​: គូលែន / សៀមរាប​: ក្រុមការងារ​ចម្រុះ​របស់​គណៈបញ្ជាការ​ឯកភាព​របស់​រដ្ឋបាល​ខេត្តសៀមរាប បាន​ចុះបង្ក្រាប​បទល្មើស​ជលផល នៅ​ចំណុច​ភូមិ​មាត់​ខ្លា ឃុំ​អន្លង់​សំណរ ស្រុក​ជីក្រែង ត្រង់ចំណុច ខ្វៃ​ចក និង​ចំណុច ច​ង្កៀ​ក្លរ នា​ថ្ងៃទី​២៣ ខែសីហា ឆ្នាំ​២០១៩​។​

​ក្រុមការងារ​ចម្រុះ បាន​និយាយថា ដោយ​អនុ​វត​តាម​បទបញ្ជា​របស់ លោក ទៀ សីហា អភិបាល​នៃ​គណៈ​អភិបាលខេត្ត និង​ជា​ប្រធាន​គណៈបញ្ជាការ​ឯកភាព​រដ្ឋបាល​ខត្ត ក្រុមការងារ​ចម្រុះ​របស់​គណៈបញ្ជាការ​ឯកភាព​រដ្ឋបាលខេត្ត រដ្ឋបាល​ស្រុក មន្ទីរ​ទំនាក់ទំនង​ជាមួយ​រដ្ឋ​សភា ព្រឹទ្ធសភា និង​អធិការកិច្ច មន្ទីរ​បរិស្ថាន មន្ទីរ​កសិកម្ម រុក្ខាប្រមាញ់ និង​នេសាទ លេខាធិការដ្ឋាន​គណៈបញ្ជាកា​រ​ឯកភាព​រដ្ឋបាលខេត្ត និង​សមត្ថកិច្ច​ពាក់ព័ន្ធ បាន​ចុះ​ត្រួតពិនិត្យ ស្រាវជ្រាវ និង​បង្ក្រាប​បទល្មើស​ជលផល នៅ​ភូមិ​មាត់​ខ្លា ឃុំ​អន្លង់​សំណរ ត្រង់ចំណុច​ខ្វៃ​ចក និង​ចំណុច​ច​ង្កៀ​ក្លរ ។​

​ក្រុមការងារ​បាន​បន្ត​ថា ជា​លទ្ធផល​ក្រុមការងារ​បាន​ចុះ​ពិនិត្យ និង​កាប់បំផ្លាញ​វត្ថុតាង​នៅនឹងកន្លែង នឹង​បាន​ប្រលែង​ត្រី​ចំនួន ២០​គីឡូក្រាម​។ វត្ថុតាង​ដែល​ដកហូត​បានរួម​មាន​. ក្បាល​បរ ចំនួន ១២​គ្រឿង , លូ​ស្បៃ​មុង ៥​គ្រឿង​, របាំង​ស្បៃ​មុង ២០០​ម៉ែត្រ​, របាំង​សាច់​អួន​ប្រវែង ៦០០​ម៉ែត្រ និង​ចំរឹង​ចំនួន ២៥០​ចំរឹង​។​

​ទន្ទឹមនឹង​រដូវ​បិទ​នេសាទ​នេះ អាជ្ញាធរខេត្ត​ក៏​សូម​អំពាវនាវ​ដល់​បង​ប្អូន​ប្រជាពលរដ្ឋ​ដែលជា​ប្រជា​នេសាទ​ទាំងអស់ សូមកុំ​ប្រើប្រាស់​ឧបករណ៍​នេសាទ​ផ្ទុយ​ពី​ច្បាប់​កំណត់ ជៀសវាង​អាជ្ញា​ធរមាន​សមត្ថកិច្ច​ចុះបង្ក្រាប​មានការ​ខាតបង់ ពិសេស​ធ្វើ​ឲ្យ​ខូចប្រយោជន៍​សេដ្ឋកិច្ច​គ្រួសារ ។ ម្យ៉ាងទៀត​យើង​ត្រូវ​រក្សា​ត្រី​ក្នុង​រដូវ​ត្រី​ពង​នេះ ដើម្បី​ឲ្យ​ធនធាន​ជលផល​កាន់តែ​សម្បូរ​ឡើងវិញ​៕ ល​

All rights and copyright belongs to author:
Themes
ICO