logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
star Bookmark: Tag Tag Tag Tag Tag
Cambodia

កុមារី ឈូ​ឈូ មាន​ជនខិលខូច​យក​រូប​បង្កើត​ហ្វេ​ស​ប៊ុ​កពាក់​ព័ន្ធ​នយោបាយ​

ចែករម្លែក

ភ្នំពេញ​៖ កុមារី ឈូ​ឈូ ដែលជា​តារា​សម្តែង​ល្បី​កំពុងមាន​ប្រជាប្រិយ នៅលើ​វិស័យ ភាពយន្ត​មួយរូប ពេលនេះ​មាន​បញ្ហា​ទៀតហើយ​ដោយសារ​តែមាន​ជនខិលខូច​យក រូប​របស់​នាង​បង្កើត​ហ្វេ​ស​ប៊ុ​ក​ពាក់ព័ន្ធ​នឹង​រឿង​នយោបាយ​។​

​សុខៗ​ស្រាប់​តែមាន​គណនី​ហ្វេ​ស​ប៊ុ​ក​មានឈ្មោះ “​សុផល​” មក​ដាក់​រូប​តារា​សម្តែង​កុមារី ឈូ​ឈូ លេង​និង​បញ្ចេញមតិ​រឿង​ពាក់ព័ន្ធ​នឹង​នយោបាយ ហើយ​ជាពិសេស​នោះ ប្រើពាក្យ​ប្រមាថ និង រិះគន់​ដល់​ថ្នាក់ដឹកនាំ​រាជរដ្ឋាភិបាល ថែមទៀត​។ គណនី​ហ្វេ​ស ប៊ុ​ក​បែបនេះ បាន​បង្កឱ្យមាន​ជះឥទ្ធិពល ដល់​សាមីខ្លួន និង ការងារ​សិល្បៈ​របស់​នាង​។

​អ្នកស្រី សឿង ផាន់​ផា​ភួង ដែលជា​ម្តាយ​របស់​កុមារី​រូបនេះ​បានឱ្យ​រស្មី​កម្ពុជា​ដឹង​កាល ពីថ្ងៃ​ទី​១៥ ខែសីហា ឆ្នាំ​២០១៩​ថា អ្នកស្រី​ពិត​ហត់​ចំពោះ​អ្នក​ដែល​ចូលចិត្ត​បង្កើត ហ្វេ​ស​ប៊ុ​ក​ក្លែងក្លាយ​ដាក់​រូប​កូន​របស់​អ្នកស្រី​ណាស់​។ រឿងនេះ​តែងតែ​កើតមាន​ជា​ហូរ ហែរ​រហូតមក ហើយ​ជាពិសេស​យក​ពាក់ព័ន្ធ​រឿង​អាសអាភាស​លើក​នេះ​មក​យក​លេង រឿង​នយោបាយ​ទៀត ខណៈ​កូនស្រី​របស់​អ្នកនាង​នៅ​ក្មេង​នៅឡើយ​ហើយគ្នា​គិត​អ្វី កើត រឿង​ន​យោ​យ​បាយ​នោះ​។ រាល់ថ្ងៃនេះ កូន​អ្នកស្រី​គិត​ខំរៀន និង​ខំ​ជួយ​ផ្សព្វផ្សាយ លក់​សាប៊ូ​របស់​អ្នកស្រី ស្ទើរ​រវល់​ចង់​ដាច់បាយ​ដាច់ទឹក​មាន​ពេល​ឯណា​ទៅលេង​រឿង នយោបាយ​នោះ​។

​ម្តាយ​របស់​កុមារី ឈូ​ឈូ រូបនេះ​បានបញ្ជាក់​ថា​គណនី​ហ្វេ​ស​ប៊ុ​ក​នោះ​គ្រាន់តែ​មើល​ក៏ ដឹងថា ជា​មនុស្ស​ខិលខូច​ហើយ​បង្កើត​លេង​បែបនេះ ហើយ​មិន​ចេញមុខ​ពិតប្រាកដ បែរជាយក​រូប​កូន​នាង​មកលេង​រឿង​នយោបាយ​។ អ្នកស្រី​នៅតែ​អះអាងថា កូនស្រី របស់​នាង​មាន​ហ្វេ​ស​ប៊ុ​កមួយ​តែប៉ុណ្ណោះ ហើយ​កូនស្រី​របស់​អ្នកស្រី​មិនចេះ​ពាក់ព័ន្ធ រឿង​នយោបាយ​នោះទេ គឺ​គិតតែ​ការងារ​សម្តែង​និង​ខំរៀន​សូត្រ​ប៉ុណ្ណោះ​។ សូម​មហា ជន​ទាំង​កុំ​នាំគ្នា​យល់ច្រឡំ​ឱ្យសោះ ព្រោះ​មួយរយៈ​នេះ​ឧស្សាហ៍​មាន​មនុស្ស​បែបនេះ ច្រើនណាស់​។ ប៉ុន្តែ​ក៏​សូម​អគុណ​ដល់​អ្នកណា​ដែល​យក​រូប​កូន​អ្នកស្រី​បង្កើត​ផេ​ក​លេង ក្នុង​ផ្លូវ​ល្អៗ និង សរសើរ​ផងដែរ ចំពោះ​កុមារី ឈូ​ឈូ​។

​សូមបញ្ជាក់ថា ពេលនេះ​កុមារី ឈូ​ឈូ វ័យ​១៦​ឆ្នាំ នាង​មានឈ្មោះ​ពិត​ថា អាង សុជាតា ត្រូវបាន​មហាជន​សរសើរ​ដែល​ចេះ​ចេញមុខ​ជួយ​លក់​សាប៊ូកក់សក់​របស់​ម្តាយ​បន្ទាប់ពី នាង​ចេះ​សម្តែង​និង​ក្លាយជា​តារា​។

​កុមារី អាង សុជាតា ជា​ក្មេងស្រី​ស្រលាញ់​អាណិតម្តាយ​ចេញ​ថត​ចេញ​សម្តែង​ជួយ​ម្តាយ តាំងពី​អាយុ​១២​ឆ្នាំ ហើយ​ជា​កូនសិស្ស​ម្នាក់​រៀន​ពូកែ​ក្នុង​សាលា​ប៊ែ​ល​ធី​ខណៈ​មិត្ត ភ័ក្ត្រ​ជាច្រើន​ស្រលាញ់​រាប់អាន​នាង ក្រោម​ហេតុផល​គឺ​កុមារី ឈូ​ឈូ ជា​មនុស្ស​ចិត្តល្អ ចេះ​យក​ឩ​ស្សា​ហ៍​គេ មិន​ប្រកាន់វណ្ណៈ មើលងាយ​គេ​៕ ដោយ បូ​រិ​ន​

All rights and copyright belongs to author:
Themes
ICO