Views: 1
ប្រែសម្រួល : កញ្ញាដាលីស (ដេល្លីម៉េល) ៖ លោក អូលីវើ ប៊ីហូហ្វ (Oliver Bierhoff) បានចាកចេញពីតួនាទីរបស់គាត់ជានាយកកីឡារបស់ជម្រើសជាតិអាល្លឺម៉ង់ដោយចូលជាធរមានភ្លាមៗ បន្ទាប់ពីការជ្រុះចេញពីវើលខាប់នៅកាតា។
លោកប៊ីហូហ្វ ដែលជាប្រធានសាលាបាល់ទាត់របស់សមាគមបាល់ទាត់អាល្លឺម៉ង់ (DFB)ដែរនោះ បានយល់ព្រមបញ្ចប់កិច្ចសន្យារបស់គាត់ ដែលគ្រោងនឹងដំណើរការរហូតដល់ឆ្នាំ ២០២៤។
បុរសវ័យ ៥៤ ឆ្នាំរូបនេះបានចូលរួមជាមួយ DFB បន្ទាប់ពីអាជីពបាល់ទាត់ដ៏អស្ចារ្យក្នុងឆ្នាំ ២០០៤ ហើយបានកាន់តួនាទីជាអ្នកចាត់ការទូទៅរហូតដល់គាត់ចូលកាន់តំណែងបច្ចុប្បន្នរបស់គាត់ក្នុងឆ្នាំ ២០១៨។
ប្រធាន DFB លោក បឺន នូអេនដូហ្វ (Bernd Neuendorf)បាននិយាយនៅក្នុងសេចក្តីថ្លែងការណ៍មួយថា “លោក អូលីវើ ប៊ីហូហ្វបានផ្តល់សេវាកម្មមិនគួរឱ្យជឿដល់ DFB”។
“ទោះបីជាពួកយើងមិនអាចបំពេញការរំពឹងទុកនៅលើទីលានក្នុងការប្រកួតថ្មីៗក៏ដោយ ក៏ប៉ុន្តែគាត់បាននៅពីក្រោយពេលវេលាធំៗជាច្រើន”។
“ការងាររបស់គាត់នឹងនៅជាប់ទាក់ទងគ្នាជារៀងរហូតជាមួយនឹងជ័យជម្នះវើលខាប់របស់យើងនៅក្នុងប្រទេសប្រេស៊ីល។ ទោះបីជាស្ថិតក្នុងគ្រាដ៏ច្របូកច្របល់ក៏ដោយ ក៏គាត់តែងតែធ្វើតាមគោលដៅនិងចក្ខុវិស័យរបស់គាត់ ហើយបានជួយរៀបចំ DFB ក្នុងរបៀបប្រកបដោយនិរន្តរភាព”៕
លោក អូលីវើ ប៊ីហូហ្វលាឈប់ពីតំណែងនាយកកីឡារបស់ជម្រើសជាតិបាល់ទាត់អាល្លឺម៉ង់