Views: 2
ប្រែសម្រួល : កញ្ញាដាលីស (ស្ត្រេតថែមស៍) ៖ក្រុមអ្នកជំនាញផ្នែកគ្រឿងផ្ទុះរបស់ប៉ូលិសនៅក្នុងប្រទេសជប៉ុនបានប្រញាប់ប្រញាល់ទៅកន្លែងកើតហេតុនៃកាបូបយួរសង្ស័យមួយនៅក្នុងចំណតរថយន្តមួយក្នុងសប្តាហ៍នេះ ដែលចុងក្រោយបែរជារកឃើញតែឧបករណ៍សិចបោះចោលនៅខាងក្នុង។
អ្នកនាំពាក្យរបស់កងកម្លាំងប៉ូលិសបានប្រាប់ទីភ្នាក់ងារសារព័ត៌មាន AFP នៅថ្ងៃព្រហស្បតិ៍នេះថា ប៉ូលិសនៅទីក្រុងកាកេហ្គាវ៉ា (Kakegawa) ភាគកណ្តាលប្រទេសជប៉ុនបានទទួលការហៅទូរស័ព្ទមួយកាលពីព្រឹកថ្ងៃពុធទី៥តុលា អំពីកាបូបយួរពណ៌ទឹកប្រាក់ដែលគ្មានអ្នកមកទទួល នៅក្នុងចំណតរថយន្តនៃទីបញ្ចុះសពរបស់ក្រុង។
ក្រុមជំនាញខាងគ្រាប់បែកក្នុងតំបន់ត្រូវបានបញ្ជូន ខណៈមន្ត្រីបានបិទផ្លូវក្នុងចម្ងាយប្រហែល ៣០០ ម៉ែត្រជុំវិញកាបូបយួរនេះអស់រយៈពេលជាងបីម៉ោង។
ប្រព័ន្ធផ្សព្វផ្សាយក្នុងស្រុកបានបញ្ជូនឧទ្ធម្ភាគចក្រដើម្បីផ្តិតយករូបភាពការងារដ៏ផុយស្រួយនិងមានហានិភ័យរបស់អ្នកជំនាញនៅកន្លែងកើតហេតុ។
ប៉ុន្តែក្រោយការពិនិត្យយ៉ាងដិតដល់ ក្រុមជំនាញបានរកឃើញ “ទំនិញសម្រាប់មនុស្សពេញវ័យ” នៅខាងក្នុងកាបូបយួរនោះ នេះបើតាមមន្ត្រីមួយរូបលើកឡើងដូច្នេះដោយមិនបញ្ជាក់លម្អិតបន្ថែម។
គាត់បានប្រាប់ទីភ្នាក់ងារសារព័ត៌មាន AFP ដោយនិយាយក្នុងលក្ខខណ្ឌសុំមិនបញ្ចេញឈ្មោះថា “វាស្ថិតនៅចំណតរថយន្តក្នុងទីតាំងដាច់ស្រយាលមួយ។វាជាកាបូបយួរធ្វើពីដែក…វាជាការតេទូរស័ព្ទទាំងតក់ក្រហល់”។
លោកបានបន្តថា “អ្វីៗបានធ្វើទៅតាមផែនការ ដូច្នេះវារលូន” ដោយបន្ថែមថា ប៉ូលិសធូរទ្រូងដែលមិនរកឃើញវត្ថុគំរាមកំហែង៕
ប៉ូលិសជប៉ុនរកឃើញត្រឹមតែតុក្កតាសិចនៅក្នុងកាបូបយួរធ្វើពីដែក
