Views: 7
ប្រែសម្រួលៈបំណង(ដេល្លីម៉េល)៖ ថ្លៃប្រេងឆៅបានធ្លាក់ចុះបន្តិចនៅក្នុងជំនួញដើមថ្ងៃសុក្រទី១៣មករា តែវាបានកើនជាង៦ភាគរយសំរាប់សប្តាហ៍នេះ ដោយសារតែកំណើននៃសេចក្តីត្រូវការពីប្រទេសនាំចូលប្រេងឆៅកំពូលគឺចិន និងការរំពឹងទុកថាធនាគារអាម៉េរិកនឹងមិនដំឡើងអត្រាកាប្រាក់គំហ៊ុកតទៅទៀត។
ប្រេងឆៅBrentនៅផ្សារអាស៊ីបានចុះ១៧សេនឬ០,២ភាគរយ មកនៅត្រឹម៨៣,៨៦ដុល្លារក្នុងមួយបារ៉ែល នៅពេលប្រេងWTIនៅអាម៉េរិកចុះ១២សេនមកនៅត្រឹម៧៨,២៧ដុល្លារក្នុងមួយបារ៉ែល។
សូមបញ្ជាក់ថានៅសប្តាហ៍នេះ ប្រេងឆៅBrentបានឡើង៦,៧ភាគរយនិងប្រេងWTIឡើង៦,២ភាគរយ ។
ពួកអ្នកវិភាគបាននិយាយថាការទិញប្រេងឆៅពីចិនកាលពីពេលថ្មីនិងនិងកំណើនចរាចរណ៍លើដងផ្លូវនាំអោយមានជំនឿថាតំរូវការប្រេងនឹងកើនឡើងនៅក្នុងប្រទេសមានសេដ្ឋកិច្ចធំបំផុតទីពីរនេះ ក្រោយការបើកព្រំដែនរបស់ខ្លួនឡើងវិញនៅសប្តាហ៍នេះ និងការបន្ធូរបន្ថយការរឹតបន្តឹងប្រឆាំងកូវីដ១៩បន្ទាប់ពីបានអនុវត្តវាអស់បីឆ្នាំ។
មីសែន ត្រាន់ អ្នកយុទ្ធសាស្ត្រនៅក្រុមហ៊ុនទំនិញវត្ថុធាតុដើមRBCបាននិយាយថា«និយាយអំពីសន្តិសុខថាមពល យើងរំពឹងថាចិននឹងបន្តបង្កើននាំចូលប្រេងឆៅ នៅពេលការចម្រាញ់ប្រេងកំពុងបង្កើនសកម្មភាព ហើយការស្តុកទុកប្រេងនៅតែជាអាទិភាពយុទ្ធសាស្ត្រមួយ»។
ក្នុងសញ្ញាលើកទឹកចិត្តមួយទៀត ពួកអ្នកវិភាគនៅធនាគារANZបាននិយាយថា ទិន្នន័យចរាចរណ៍មកពីទីក្រុងចិនចំនួន១៥បានបង្ហាញកំណើនសកម្មភាពយានយន្តកើនឡើង៣១ភាគរយធៀបនឹងមួយសប្តាហ៍មុន។«កំរិតចរាចរណ៍តាមដងផ្លូវនៅចិនកំពុងបន្តកើនឡើងចេញពីកំរិតទាបបំផុតក្រោយពីការរឹតត្បិតប្រឆាំងកូវីដ១៩ត្រូវបានដកចេញ»។
ថ្លៃប្រេងក៏ជួយអោយឡើងប៉ោងដោយសារតែការធ្លាក់ថ្លៃប្រាក់ដុល្លារមកដល់កំរិតទាបបំផុតនៅរយៈពេលប្រាំបួនខែមកនេះ ក្រោយពីទិន្នន័យបង្ហាញថា អតិផរណាអាម៉េរិកបានធ្លាក់ចុះជាលើកដំបូងនៅរយៈពេលពីរឆ្នាំកន្លះមកនេះ ដោយបន្ថែមការរំពឹងទុកថា ធនាគារកណ្តាលអាម៉េរិកនឹងពន្យឺតល្បឿននៃការដំឡើងអត្រាកាប្រាក់ទេ៕
ការចុះថ្លៃប្រាក់ដុល្លារមុខជាបង្កើនតំរូវការប្រេង ពីព្រោះវាធ្វើអោយទំនិញវត្ថុធាតុដើមនេះថោកជាងមុនសំរាប់អ្នកទិញកាន់រូបបិយបណ្ណផ្សេងពីដុល្លារ