Views: 9
ដោយ៖ សុខសុភ័ណ្ឌ / កំពង់ស្ពឺ៖ បុរសម្នាក់ បានយកអង្រែបុកគ្រឿង វាយយាយជីម្នាក់ បណ្តាលឲ្យស្លាប់ភ្លាមៗ ដោយសារជនសង្ស័យ ខឹងយាយជីនោះ ស្តីបន្ទោស ។ ហេតុការណ៍នេះ បានកើតឡើង នៅចំណុចវត្តសំពៅអណ្តែត ស្ថិតក្នុងភូមិស្រែកិន ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ កាលពីល្ងាចថ្ងៃទី៨ ខែសីហា ឆ្នាំ២០២២។
សមត្ថកិច្ចស្រុកឱរ៉ាល់ បានឲ្យដឹងថាៈ ជនសង្ស័យ ឈ្មោះ ហេង សុភាព ភេទប្រុស អាយុ៥៤ឆ្នាំ មានស្រុកកំណើត នៅភូមិខ្នងក្រពើ ឃុំត្រមូង ស្រុកមេមត់ ខេត្តត្បូងឃ្មុំ ដែលជាបុរសអានាថា មកសុំលោកសង្ឃ នៅជាមួយ។ នៅមុនកើតហេតុ ជនសង្ស័យ បានក្រោកពីដេក ដើរទៅសួរយាយជី ឈ្មោះ តែង ឃុន អាយុ៦២ឆ្នាំ រស់នៅភូមិអូរតោង ឃុំត្រពាំងជោ ស្រុកឱរ៉ាល់ ថាមានបាយហូបអត់ គាត់ឃ្លាន។ ភ្លាមនោះ ជនរងគ្រោះ ក៏តបវិញថា ” ឯងគិតតែពីដេកសុី អត់មានជួយការងារ លោកសង្ឃសោះ តើមានបាយឯណា ឱ្យឯងហូបទៅ ” គ្រាន់តែឮដូច្នេះ ជនរងគ្រោះ បានស្តីឱ្យខ្លួនបែបនេះ ស្រាប់មានចិត្តខឹង បានទាញអង្រែបុកគ្រឿង វាយទៅលើជនរងគ្រោះ បណ្ដាលឲ្យស្លាប់ភ្លាមៗនៅនឹងកន្លែង។
ប្រភពដដែល បានបន្តថាៈ ក្រោយពីកើតហេតុ កម្លាំងជំនាញ បានចុះដល់កន្លែងកើតហេតុ ហើយបានឃាត់ខ្លួនជនសង្ស័យ មកអធិការដ្ឋាននគរបាលស្រុក ដើម្បីសាកសួរ និងកសាងសំណុំរឿង អនុវត្តតាមនីតិវិធី៕/V
