Views: 1
ប្រែសម្រួល : កញ្ញាដាលីស (ដេល្លីម៉េល) ៖ លោក មីល លេន (Mills Lane) ជាអាជ្ញាកណ្តាលប្រដាល់ជាប់ក្នុង Hall of Fame ដែលជាបុរសទីបីនៅលើសង្វៀន នៅពេលដែល ម៉ៃ ថៃសាន់ខាំស្លឹកត្រចៀករបស់ អ៊ីវ៉ាន់ឌឺ ហូលីហ្វៀល (Evander Holyfield) បានទទួលមរណភាពកាលពីថ្ងៃអង្គារទី៦ធ្នូនៅអាយុ ៨៥ ឆ្នាំ។
លោកលេនបានកើតជំងឺដាច់សរសៃឈាមខួរក្បាលក្នុងឆ្នាំ ២០០២ ហើយកូនប្រុសរបស់គាត់ឈ្មោះថមមី (Tommy) បាននិយាយថាឪពុករបស់គាត់មានស្ថានភាពកាន់តែអាក្រក់នាពេលថ្មីៗនេះមុនពេលចូលថែទាំក្នុងមន្ទីរពេទ្យកាលពីថ្ងៃសុក្រ។ គាត់បានស្លាប់នៅផ្ទះរបស់គាត់នៅទីក្រុងរ៉េណូ (Reno)រដ្ឋនេវ៉ាដា (Nevada)ដោយប្រពន្ធរបស់គាត់ឈ្មោះ កាយ៉េ (Kaye)និងកូនប្រុសពីរនាក់ស្ថិតនៅក្នុងផ្ទះ។
ធ្លាប់ជាអ្នកប្រដាល់ខ្លួនឯងដែលបានឈ្នះខ្សែក្រវាត់ NCAAក្នុងឆ្នាំ ១៩៦០ លោកលេនបានឈ្នះ ១០ ចាញ់១ ក្នុងនាមជាកីឡាករលំដាប់កំពូលម្នាក់មុនពេលគាត់បង្កើតកេរ្តិ៍ឈ្មោះកាន់តែធំនៅក្នុងកីឡាប្រដាល់ក្នុងនាមជាអាជ្ញាកណ្តាល។ ត្រូវបានគ្រប់គ្នាគោរពចំពោះភាពតឹងតែងប៉ុន្តែយុត្តិធម៌ ពាក្យបញ្ជា “តោះបន្តការប្រកួត!” របស់គាត់បានក្លាយជាពាក្យចុងក្រោយដែលគេស្តាប់ឮមុនពេលការប្រកួតដែលមិនអាចបំភ្លេចបាន។
លោកមីលគឺជាអាជ្ញាកណ្តាលនៅពេលដែលហូលីហ្វៀលឈ្នះខ្សែក្រវាត់ទម្ងន់ធ្ងន់ពីកីឡាករបាស់ស្ទើ ឌូក្លាស (Buster Douglas)ហើយធ្វើជាអាជ្ញាកណ្តាលម្តងទៀតនៅពេលដែលថៃសាន់ត្រូវបានដកសិទ្ធិប្រកួតក្នុងអំឡុងការប្រកួតសងសឹករបស់ខ្លួនជាមួយហូលីហ្វៀល បន្ទាប់ពីខាំត្រចៀកហូលីហ្វៀលដោយចេតនា។
លោកលេនបានធ្វើជាអាជ្ញាកណ្តាលក្នុងការប្រកួតជាង ១០០ ដោយបានចែករំលែកសង្វៀនជាមួយកីឡាករអស្ចារ្យដូចជា មូហាម៉ាត់ អាលី, ឡារី ហូលស៍ (Larry Holmes) និង ឡេនណុច ឡេវីស (Lennox Lewis) ហើយត្រូវបានគេគោរពចំពោះភាពយុត្តិធម៌និងភាពតឹងតែងរបស់គាត់៕
លោក មីល លេន បានធ្វើជាអាជ្ញាកណ្តាលនៅពេលថៃសាន់ខាំស្លឹកត្រចៀកហូលីហ្វៀល នៅថ្ងៃទី ២៨ មិថុនា ឆ្នាំ១៩៩៧
