Cambodia

អភិបាល​រាជធានី​អំពាវនាវ​ឲ្យ​ពលរដ្ឋ​បន្ត​អនុវត្ត​ឲ្យ​ហ្មត់ចត់​តាម​អនុសាសន៍​សម្តេច​តេ​ជោ និង​ក្រសួងសុខាភិបាល ដើម្បី​ការពារ ជំងឺ​កូ​វីដ​-១៩ ឆ្លង​ក្នុង​សហគមន៍ ទ្រង់ទ្រាយ​ធំ​

ដោយ​: រ៉ា​ម៉ន / ភ្នំពេញ​: លោក ឃួ​ង ស្រេង អភិបាល​រាជធានី​ភ្នំពេញ នៅ​ថ្ងៃទី​២៩ ខែវិច្ឆិកា ឆ្នាំ​២០២០​នេះ បាន​អំពាវនាវ ដ ល់​ប្រជាពលរដ្ឋ រស់នៅក្នុង​រាជធានី​ភ្នំពេញ សូមមេត្តា​បន្ត​អនុវត្ត តាម​ការអំពាវនាវ របស់​សម្តេច​តេ​ជោ ហ៊ុន សែន នាយករដ្ឋមន្ត្រី នៃ​កម្ពុជា និង​តាម​ការណែនាំ របស់​ក្រសួងសុខាភិបាល ឲ្យ​បាន​ហ្មត់ចត់​ជាទីបំផុត ដើម្បី​ការពារ ការឆ្លង​រាលដាល​ជំងឺ​កូ​វីដ​-១៩ នៅក្នុង​សហគមន៍​ទ្រង់ទ្រាយ​ធំ​។​

​ក្នុងនោះ​លោក​អភិបាល​រាជធានី​ភ្នំពេញ ក៏បាន​អំពាវនាវ​ដល់​ប្រជាពលរដ្ឋ ឱ្យ​បន្ត​រស់នៅ​ធម្មតា តាមបែប​គន្លង​ថ្មី ដោយ​ពាក់​ម៉ាស់ (​ក្នុងករណី​ចាំបាច់​)​។ ជាពិសេស​នៅក្នុង កាលទេសៈ​នេះ សូម​មើល​ការខុសត្រូវ​កូនចៅ​ខ្លួន ដោយ​កុំឱ្យ​ដើរចេញ ក្រៅ​ផ្ទះ​រហេតរហូត បើ​មិនចាំបាច់​។ តែបើ​អាក់ខាន​មិនបាន​នោះ នៅពេល​ចេញ​ដើរ ត្រូវ​ពាក់​ម៉ាស់​ជាប់​ជានិច្ច ហើយ​សូមកុំ​ឱ្យមាន​ការជួបជុំ​គ្នា កុះករ​ច្រើនពេក (​កាត់បន្ថយ​ជា​អតិបរិមា នូវ​ចំនួន​មនុស្ស ជួបជុំគ្នា​)​។​

​ជាមួយគ្នា​នោះ​លោក ឃួ​ង ស្រេង ក៏បាន​ក្រើន​រំ​ឮ​ក ដល់​ប្រជាពលរដ្ឋ ត្រូវ​លាង​សម្អាត​ដៃ ជាមួយ​សាប៊ូ និង​ទឹកស្អាត ឬ​ជាមួយ​អាល់កុល ឬ​ទឹក​ដែល​សម្រាប់​លាងដៃ ឱ្យបាន​ញឹកញាប់ កុំ​យកដៃ​ដែល​មិនបាន​លាង​សម្អាត មក​ប៉ះ​ផ្ទៃ​មុខមាត់​របស់ខ្លួន និង​ត្រូវ​រក្សា​សុវត្ថិភាព​សង្គម និង​សុវត្ថិភាព​បុគ្គល​ឱ្យ​លើសពី មួយ​ម៉ែត្រ​កន្លះ ឡើង​ទៅជា​ចាំបាច់​។​

​សូមបញ្ជាក់ថា ៖​សម្តេច​តេ​ជោ ហ៊ុន សែន នាយករដ្ឋមន្ត្រី​កម្ពុជា នៅ​យប់​ថ្ងៃទី​២៨ ខែវិច្ឆិកា ឆ្នាំ​២០២០ បាន​ផ្ញើ​សារ​ណែនាំ ពិសេស​បន្ទាន់​មួយ​ទាំងយប់ ក្រោយពេល​រកឃើញ​ក្រុមគ្រួសារ របស់​អគ្គនាយក​ពន្ធ​នាគារ ក្រសួងមហាផ្ទៃ ចំនួន​៦​នាក់ មាន​ជំងឺ​កូ​វីដ​-១៩ ដែលជា​ការឆ្លង​ក្នុង​សហគមន៍ លើកដំបូង​នៅ​កម្ពុជា​។​

​បើទោះបីជា​យ៉ាងណា សម្តេច​តេ​ជោ ហ៊ុន សែន បានស្នើ​ដល់​ប្រជាពលរដ្ឋ មេត្តា​កុំ​មានការ​ស្លន់ស្លោ ឬ​ឆោឡោ​រហូត​បាត់បង់​ការគ្រប់គ្រង តែ​ត្រូវ​បង្កើន​ការយកចិត្តទុកដាក់ ពាក់ព័ន្ធ​ការការពារ​ខ្លួន តាមរយៈ​ការពាក់​ម៉ាស់ ការ​លាងដៃ ការ​អនាម័យ​តាម​ការណែនាំ របស់​ក្រសួងសុខាភិបាល​។ ក្នុងករណី​មានការ​សង្ស័យ ត្រូវ​រក​ការបញ្ជាក់​ពី​គ្រូពេទ្យ ឱ្យបាន​ឆាប់​។ សម្តេច​តេ​ជោ ក៏បាន​ស្នើសុំ​កុំឱ្យ​មានការ ប្រមូលផ្តុំ​ណាមួយ​។​

​សម្តេច​តេ​ជោ បានបញ្ជាក់​ទៀតថា ៖​សម្តេច​នឹងមិន​អំពាវនាវ ឱ្យមាន​ការបិទ​សាលារៀន នៅ​ភ្នំពេញ និង​ខេត្ត​ពាក់ព័ន្ធ​ទេ​។ អ្វីដែល​ជាការ​ចាំបាច់ នៅពេលនេះ គឺ​តម្រូវការ​នូវ​ការពាក់​ម៉ាស់ ការ​លាងដៃ ការរក្សា​គម្លាត​សុវត្ថិភាព តែប៉ុណ្ណោះ​។ សម្តេច​តេ​ជោ បាន​បន្ថែមថា ត្រូវ​ទុក​សាលារៀន ដំណើរការ​ធម្មតា ទៅតាម​គន្លង​ថ្មី​។​

​សូម​បញ្ជាក់ដែរថា​៖ កម្ពុជា​បាន​រកឃើញ ករណី​ឆ្លង​ជំងឺ​កូ​វីដ​-១៩ ចូលក្នុង​សហគមន៍​ជា​លើកដំបូង នៅ​ថ្ងៃទី​២៨ ខែវិច្ឆិកា ឆ្នាំ​២០២០ បន្ទាប់ពី​ធ្វើតេស្ត​រក ឃើញ​វិជ្ជមាន ជំងឺ​កូ​វីដ​-១៩ លើ​ក្រុមគ្រួសារ អគ្គនាយក​ពន្ធនាគារ​កម្ពុជា រួម​នឹង​អ្នករស់នៅ ជាមួយ​សរុប​៦​នាក់​។ ក្រសួងសុខាភិបាល មិនទាន់បាន​រកឃើញ ពី​ប្រភព​នៃ​ការឆ្លង ជំងឺ​កូ​វីដ​-១៩​នេះ​នៅឡើយ​។​

​ជា​វិធានការ​ទប់ស្កាត់ ការរីក​សាយភាយ ឬ​ការចម្លង​កាន់តែខ្លាំង រាជរដ្ឋាភិបាល បាន​ដាក់ចេញ​វិធានការ បន្ទាន់​មួយចំនួន ដូចជា​ការបិទ​ផ្សារ​ទំនើប​អ៊ី​អន ១ និង​ការ​តម្រូវឱ្យ​អ្នកពាក់ព័ន្ធ​ផ្ទាល់ និង​ប្រយោល​ដែល​រួមមាន មន្ត្រីជាន់ខ្ពស់​រាជរដ្ឋាភិបាល​ផង​នោះ ចាប់ផ្តើម​ធ្វើ​ច​ត្តា​ឡី​ស័ក និង​យក​សំណាក ពិនិត្យ​រក​មេរោគ​។​

​ក្រសួងសុខាភិបាល បាន​អំពាវនាវ ដល់​អ្នកពាក់ព័ន្ធ​ផ្ទាល់ និង​ប្រយោល​ក្នុង​ព្រឹត្តិការណ៍​នេះ នាំគ្នា​ទៅយក​សំណាក ពិនិត្យ​រក​មេរោគ ក្នុងនោះ​ប្រជាពលរដ្ឋ​ធម្មតា ទៅកាន់​ផ្សារ​ទំនើប​អ៊ី​អន ១ សម្រាប់​មន្ត្រីរាជការ ត្រូវយក​សំណាក នៅ​ទីស្តីការ​ក្រសួងមហាផ្ទៃ​។​

​គិត​មកដល់​ព្រឹក​ថ្ងៃទី​២៩ ខែវិច្ឆិកា ឆ្នាំ​២០២០​នេះ កម្ពុជា​រកឃើញ​អ្នក​ឆ្លង កើត​ជំងឺ​កូ​វីដ​១៩ សរុប ៣១៥​នាក់ ក្នុងនោះ​ព្យាបាល ជាសះស្បើយ ៣០១​នាក់ និង​កំពុង​សម្រាក​ព្យាបាល ១៤​នាក់​៕​

Football news:

Juve director: Ronaldo's charisma and character help us. We believe in Pirlo, there are no specific expectations
Ødegaard is close to the rent in Sociedad. Ajax are also Interested in the Real Madrid midfielder
Ronaldo is being unnecessarily criticized. His partners, including Morata, are even worse. Ex-Inter player about the match with Juve
Koeman on Leonardo's words about Messi: When asked if I am Interested in Neymar or Mbappe, I would also say yes
The Pope met with Spezia and congratulated them on their victory over Roma: You won 4:2. In Argentina, we dance the tango, and this is music 2/4
The coach of the Mexican Tigres lit a cigarette during the game. He was suspended for one match
Arsenal approached Real Madrid regarding the lease of Edegra