Views: 8
ដោយ៖ សុវណ្ណកុម្ភៈ/ភ្នំពេញ៖ ម៉ូតូប្រភេទឌ្រីមសង់មួយគ្រឿងត្រូវបានលោកអភិបាលខេត្តកំពង់ស្ពឺលោក វ៉ី សំណា ងអភិបាលខេត្តយកទៅប្រគល់ជូនកីឡាការិនី វ៉ឹត ចន្ថា ដែលជាកីឡាការិនីជនពិការប្រភេទកីឡាអត្តពលកម្មដែលរកបានមេដាយបីគ្រឿង (មាស ប្រាក់ និងសំរឹទ្ធ) ក្នុងព្រឹត្តិការណ៍កីឡាជាតិលើកទី៣ និងកីឡាជនពិការលើកទី១នា ថ្ងៃទី៦ ខែធ្នូនេះ ដើម្បីជាការលើកទឹកចិត្តចំពោះកិច្ចខិតខំប្រឹងប្រែងរបស់គាត់។
កីឡាការិនី វ៉ឹត ចន្ថា អាយុ៣៩ឆ្នាំ រស់នៅភូមិអង្គតាប៉ុក ឃុំជើងរាស់ ស្រុកឧដុង្គ មានស្វាមីជាកីឡាករជនពិការដែរ ប៉ុន្តែពួកគាត់មិនបានអស់សង្ឃឹមក្នុងការរស់នៅនោះឡើយនាងជាកីឡាការិនីឆ្នើមដែលធ្លាប់បានចេញទៅប្រកួតលើឆាកអន្តរជាតិជាញឹកញាប់ព្រមទាំងទទួលបានមេដាយនៅលើឆាកអន្តរជាតិទៀតផង៕/R
