Views: 2
ដោយៈ ដកស្រង់ពីវចនានុក្រមសម្តេចសង្ឃរាជ ជួន ណាត
ខ
ព្យញ្ជនៈ ទី ២ ក្នុងវគ្គទី ១ ជាកណ្ឋជៈ មានសំឡេងក្នុងបំពង់ក ជាធនិត-អឃោសៈ, ខាង សំ. បា. មានសំឡេងជា ក្ហៈ ។
កិរិយាសព្ទ
ចម្អិនម្ហូបដែលហៅ ខ
ខត្រី, ខសាច់ ។
នាមសព្ទ
ត្រី ឬ សាច់ដែលចម្អិនដោយមានគ្រឿងផ្សេងៗ លាយផ្សំផង, ជាម្ហូបមានទឹកទីទៃពីសម្លនិងត្រីស្ងោរ
ត្រីខ, ជ្រូកខ ។
នាមសព្ទ
ឈ្មោះដាវដងវែង មានងៀងនៅខ្នង
ដាវខ ។
នាមសព្ទ
ប្រការ, ចំពូក, មាត្រា, បទ, ន័យ, សេចក្តី, ស្រង់ រួមចំនួនខ្លីៗ
ខ១, ខ២, ខ៣ ។
ខណ្ឌសីមា
(ខាន់-ឌៈ-សីម៉ា)
នាមសព្ទ
( បា. ) សីមាតូច ។ ឈ្មោះពទ្ធសីមាតូច ដែលព្រះភិក្ខុសង្ឃសន្មត ដោយញត្តិទុតិយកម្មវាចា ផ្តាច់ចេញចាកមហាសីមា ដើម្បីធ្វើសង្ឃកម្មដោយងាយ ( ព. វិ. ពុ. ) ។
ឈ្មួយ
នាមសព្ទ
អ្នកជួយ, អ្នកធ្វើការជាជំនួយ ( មិនសូវប្រើ ) ។
ឈ្មៀត
កិរិយាសព្ទ
ជ្រៀត, ជ្រែកចូលទៅក្នុងទីចង្អៀត
កណ្ដុរឈ្មៀតចូលតាមប្រហោងជញ្ជាំងផ្ទះ ។
ស្លាឈ្មោល
នាមសព្ទ
ឈ្មោះរុក្ខជាតិមួយប្រភេទ ដើមមូលតូច សណ្ឋានស្រដៀងនឹងត្រថុកតែសាច់រឹងជាង ស្លឹកវែងៗជាសំណុំកញ្ចុំតែខាងលើ, កាច់ខ្នែងដាំដុះ, គេច្រើនដាំជាលម្អ ។