Views: 1
ដោយៈ ដកស្រង់ពីវចនានុក្រមសម្តេចសង្ឃរាជ ជួន ណាត
ផ្ដុស
(ជើង ដ)
គុណសព្ទ
ដែលមានក្លិនធុំស្ទើរជូរស្ទើរឆ្អាបស្ទើរស្អុយ កើតមានដោយផ្អួរ, ផ្អូម ។
ផ្កាប់
កិរិយាសព្ទ
ដាក់ត្រឡប់យកមុខឬបាត, ពោះ ចុះក្រោម
ផ្កាប់មុខ, ផ្កាប់ចាន ។
ព. ផ្ទ. ផ្ងារ ។ ជឿផ្កាប់មុខ ជឿស៊ប់មិនងាកចិត្ត; ស្រឡាញ់ផ្កាប់មុខ ស្រឡាញ់ងប់ចិត្តភ្លេចខ្លួន ។ ( កាព្យប្រាប់ឲ្យប្រយ័ត្នជំនឿផ្កាប់មុខ និងស្រឡាញ់ផ្កាប់មុខ )
កុំស៊ុកគ្រលុក កុំជឿផ្កាប់មុខ ដោយឥតបើគិត បំណាច់នឹងជឿ ជឿដោយគំនិត ដែលមានការណ៍ពិត តាមធម៌តាមច្បាប់ ។ ស្រឡាញ់ផ្កាប់មុខ ច្រើនតែមានទុក្ខ ផ្តល់ឲ្យឈឺចាប់ សង្រេងសង្រៃ ពេកក្រៃស្ទើរស្លាប់ ព្រោះត្រូវចំណាប់ នៃក្តីស្នេហា ។
ប្រេះ
កិរិយាសព្ទ
សញ្ជែកសាច់ពីគ្នា ។ គុ. ដែលសញ្ជែកសាច់ពីគ្នា, ដែលមានស្នាមច្រហបន្ដិចដោយបែកសញ្ជែក ។ កើតទុក្ខស្ទើរប្រេះទ្រូង កើតទុក្ខខ្លាំងតឹងណែនហាក់ដូចជានឹងប្រេះទ្រូង ។
ប្រឿង
គុណសព្ទ
ដែលមានសម្បុរយ៉ាងខ្ចីស្ទើរ
សប្រឿង, ក្រហមប្រឿង ។
ប្រឡិងប្រឡាំង
គុណសព្ទ
ដែលមានរសស្ទាក់ស្ទើរមិនប្រាកដជាជូរឬប្រៃជាដើម; ដែលល្វីងមាត់ឬប្រហាតមាត់ធុំបាយធុំចំណី
ខ្ញុំទើបនឹងងើបពីគ្រុន ទៅជាប្រឡិងប្រឡាំងមាត់អស់ ។
