Views: 1
ដោយៈ ដកស្រង់ពីវចនានុក្រមសម្តេចសង្ឃរាជ ជួន ណាត
រត្តិន្ទិព
(រ័ត-តិន-ទិប)
នាមសព្ទ
( បា. រត្តិន្ទិវ < រត្តិ “យប់” + ទិវ “ថ្ងៃ” , វ > ព ) យប់និងថ្ងៃ, មួយយប់មួយថ្ងៃ ។ ( ព. កា. )
ខំដើរធ្វើគ្រូមើលជំងឺ គេឈឺស្ទើររាល់រត្តិនិ្ទព នឹកស្មានថានឹងបានទ្រនឹប ស្រាប់តែគេលឹបឥតឲ្យសោះ ។
រងៀម
កិរិយាវិសេសន៍
ដែលអស់កម្លាំងល្វឹងល្វើយទន់ត្របកភ្នែកបើកស្ទើរមិនរួច
គ្រុនរងៀម, អស់កម្លាំងរងៀម ។
គុណសព្ទ
ដែលអស់កម្លាំងល្វឹងល្វើយទន់ត្របកភ្នែកបើកស្ទើរមិនរួច
គ្រុនរងៀម, អស់កម្លាំងរងៀម ។
រកកល់
និបាតសព្ទ
ជិតនឹង, រៀបនឹង, ស្ទើរនឹង
រកកល់ភ្លៀង, រកកល់គ្រុន ។
យីថោ
នាមសព្ទ
( ស. យី់ថោ អ.ថ.យីថូ ) ឈ្មោះឈើផ្កាមានស្លឹកតូចជមវែងស្រួចៗ មានជ័រសផ្កាជាចង្កោមសម្បុរក្រហមខ្ចី មានស្រទាប់ ស្ទើរចាប់ច្រឡំនឹងផ្កាកុលាប ក្លិនក្រអូបប្រហើរឆ្អិតតែផ្សាយមិនសូវបានឆ្ងាយ, បើកាត់ឲ្យជាប់ទាំងមែកត្រាំក្នុងទឹកដបទុកបានយូរថ្ងៃ, ហៅថា យីថោក្រហម ឥឡូវក្នុងប្រទេសកម្ពុជា មានយីថោមួយប្រភេទផ្សេង មានដើមស្លឹកផ្កាដូចយីថោក្រហមដែរ ប៉ុន្តែផ្កាមានព័ណ៌ស, ហៅថា យីថោ-ស ផ្កាពុំសូវមានក្លិនទេ ។ មានមួយប្រភេទទៀតដើមធំមានជ័រស ស្លឹកស្រួចៗដែរ តែតូចៗខ្លីៗបន្តិច ផ្កាសម្បុរលឿងឥតស្រទាប់ រូបសណ្ឋានស្រដៀងនឹងផ្កាត្រកួន តែតូចជាងមានផ្លែសាច់ផុសៗ, ហៅថា យីថោលឿង (ច្រើនហៅ យិតថោ ជាង) ។
ម្លាន់
គុណសព្ទ
ដែលមានរសស្ទើរផ្អែមស្ទើរភ្លាវជាដើម ឬ ដែលរអៀចៗនាំឲ្យទ្រលាន់ឬឆ្អើមលំបាកលេបឬក៏លេបមិនចុះ
ផ្អែមម្លាន់ៗ ។
Post navigation