Cambodia

​អ្នកនាំពាក្យ​ក្រសួងមហាផ្ទៃ បដិសេធ​ចំពោះ​ការចោទប្រកាន់ របស់​ឈ្មោះ អេង ឆៃអ៊ាង​

ចែករម្លែក

ដោយៈ មុនី​រ័ត្ន /
​ភ្នំពេញៈ
អ្នកនាំពាក្យ​ក្រសួងមហាផ្ទៃ បាន​ច្រានចោល​ចំពោះ ការចោទប្រកាន់ និង​និយាយ​មួល​បង្កាច់ គ្មាន​ការពិត ពី​សំណាក់​លោក អេង ឆៃអ៊ាង អ្នកនយោបាយ ជាប់​បម្រាម​តុលាការ​កម្ពុជា ដែល​កំពុង​រស់នៅ​ក្រៅប្រទេស ចោទប្រកាន់​អាជ្ញាធរ​មូលដ្ឋាន​ថា ជា​អ្នក​គៀបសង្កត់​សិទ្ធិ​ប្រជាពលរដ្ឋ​។ អ្នកនាំពាក្យ បាន​ហៅ​ការចោទប្រកាន់​នេះ បញ្ជាក់​អោយឃើញ ពី​ចរិត​ពិត នៃ​អ្នកនយោបាយ​ប្រឆាំង ដែលមាន​ភ្នែក​ភ្លឺ​នឹង​គេ​ដែរ តែ​ធ្វើ​ពុតត្បុត ជា​មនុស្ស​ខ្វាក់ ធ្វើ​មិនដឹងមិនឮ មើលមិនឃើញ នូវ​សមិទ្ធផល និង​ស្នាដៃ​ជាច្រើន ដែល​រាជរដ្ឋាភិបាល​កម្ពុជា បានធ្វើ​កន្លងមក​។​

​ការបដិសេធ​របស់ អ្នកនាំពាក្យ​ក្រសួងមហាផ្ទៃ បានធ្វើ​ឡើង កាលពី​ថ្ងៃទី​២៥ ខែកញ្ញា ឆ្នាំ​២០២០​។​

នាយ​ឧ​ត្ត​ម​សេនីយ៍ សន្តិ​បណ្ឌិត ខៀវ សុភ័គ អ្នកនាំពាក្យ ក្រសួងមហាផ្ទៃ (​រូប​ថ​តៈ មុនី​រ័ត្ន​)

​អ្នកនាំពាក្យ ក្រសួងមហាផ្ទៃ បានបញ្ជាក់​ថាៈ ក្រសួងមហាផ្ទៃ ក្រោម​ការដឹកនាំ​ដ៏​ខ្ពង់ខ្ពស់ របស់​សម្តេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី ក្រសួងមហាផ្ទៃ បាន​យកចិត្តទុកដាក់​ខ្ពស់ ចំពោះ​ភារកិច្ច​បម្រើ​ជាតិ ប្រជាជន និង​ការខិតខំ​ធ្វើអោយ​សង្គម មាន​ភាពយុត្តិធម៌ រួមទាំង​ការរក្សាសន្តិសុខ សណ្តាប់ធ្នាប់​សាធារណៈ របៀបរៀបរយ​សង្គម ការដោះស្រាយ​បញ្ហា​នានា ក្តីកង្វល់ និង​សំណូមពរ របស់​ប្រជាពលរដ្ឋ​។ ការធ្វើ​វេទិកាសាធារណៈ ការ​បង្ខិត​សេវា​អោយ​កាន់តែ​កៀក​ប្រជាពលរដ្ឋ ដូចជា​សេវា​ច្រកចេញចូល​តែមួយ ក៏ត្រូវ​បានធ្វើ​ឡើង ប្រកបដោយ​ប្រសិទ្ធភាព និង​មាន​ប្រសិទ្ធ​ផល ទន្ទឹមនឹង​ការ បណ្តុះបណ្តាល​ស្មារតី មនសិការ​វិជ្ជាជីវៈ ដល់​មន្ត្រី និង​កងកម្លាំង​នគរបាលជាតិ ព្រមទាំង​ជំរុញ​ការអនុវត្ត​គោលនយោបាយ ភូមិ ឃុំ មាន​សុវត្ថិភាព​។​

​ប្រភព​ដដែល បាន​បន្តថាៈ នៅ​ថ្ងៃទី​២៣ ខែកញ្ញា ឆ្នាំ​២០២០ ក្រសួងមហាផ្ទៃ បានចេញ​សេចក្តីណែនាំ​មួយ លេខ ០៤៣ ស​ណន ស្តីពី​ការយកចិត្តទុកដាក់ ដោះស្រាយ​បញ្ហា ជូន​ប្រជាពលរដ្ឋ​។ ក្រោយពី​បានចេញ សេចក្តីណែនាំ​នេះ ប្រជាពលរដ្ឋ និង​បណ្តាញសារព័ត៌មាន​ជាច្រើន បាន​សម្តែង​មតិ​ស្វាគមន៍ និង​គាំទ្រ​។ ផ្ទុយទៅវិញ ឈ្មោះ អេង ឆៃអ៊ាង អ្នកនយោបាយ ជាប់​បម្រាម​តុលាការ​កម្ពុជា ដែល​កំពុង​រស់នៅ​ក្រៅប្រទេស បានធ្វើ​អត្ថាធិប្បាយ ក្នុង​វិទ្យុ​បរទេសមួយ កាលពី​យប់ ថ្ងៃទី​២៤ ខែកញ្ញា ឆ្នាំ​២០២០ ដោយនិយាយ​បំផ្លើស មិន​ទទួលស្គាល់​ការពិត ក្នុងន័យ​ចោទប្រកាន់ អាជ្ញាធរ​មូលដ្ឋាន​ថា ជា​អ្នក​គៀបសង្កត់​សិទ្ធិ​ប្រជាពលរដ្ឋ និង​ប្រព្រឹត្ត​អំពើពុករលួយ​ទៅវិញ​។​


សំដី​នេះ​បញ្ជាក់​អោយឃើញ ពី​ចរិត​ពិត នៃ​អ្នកនយោបាយ​ប្រឆាំង ដែលមាន​ភ្នែក​ភ្លឺ​នឹង​គេ​ដែរ តែ​ធ្វើ​ពុតត្បុត ជា​មនុស្ស​ខ្វាក់ ធ្វើ​មិនដឹងមិនលឺ មើលមិនឃើញ នូវ​សមិទ្ធផល និង​ស្នាដៃ​ជាច្រើន ដែល​រាជរដ្ឋាភិបាល​កម្ពុជា បានធ្វើ​កន្លងមក ។ ប្រសិនបើ​ដូច​សំដី របស់​ឈ្មោះ អេង ឆៃអ៊ាង បាន​លើកឡើងថា មន្ត្រី​ថ្នាក់ជាតិ និង​អាជ្ញាធរ​មូលដ្ឋាន ធ្វើ​មិនកើត និង​គ្មាន​ជំនឿ​នោះ ម្ល៉េះ​សម រាជរដ្ឋាភិបាល សព្វថ្ងៃនេះ មិនអាច​ស្ថិតនៅ​គង់វង្ស​បានទេ ហើយក៏​មិនអាច​កសាង​ប្រទេស អោយ​រីកចម្រើន រក្សាបាន សន្តិសុខ សន្តិភាព ជូន​ប្រជាជន និង​ប្រទេសជាតិ បាន​ដូច​សព្វថ្ងៃ​ឡើយ​។​

​អ្នកនាំពាក្យ​ក្រសួងមហាផ្ទៃ ចាត់ទុកថាៈ សំដី​របស់​ឈ្មោះ អេង ឆៃអ៊ាង គឺជា​សំដី​ភូតកុហក គ្មាន​ខ្លឹមសារ ដោយ​គ្រាន់តែ​និយាយ អោយឮ​សំលេង និង កុំអោយ​តែ​គូកន និង​បក្ខពួក​របស់ខ្លួន បំភ្លេច​ឈ្មោះ​ខ្លួន​តែប៉ុណ្ណោះ​៕/V

ទីតាំងផ្សាយពាណិជ្ជកម្ម

Football news:

Carragher on Mourinho: they Said his football was from a different era. If he won the Premier League, it would be great
Gennaro Gattuso: Napoli need to play above all praise to beat real Sociedad
Neymar was substituted in the 26th minute of the match against Istanbul due to injury. He was crying
Juventus shares have risen four times in five years. Ronaldo-this is only one of the reasons
Gary Neville: Mourinho gives Tottenham the confidence to win the Premier League. Jose is only Interested in winning
Rivaldo: I'm not sure about Barcelona's chances of winning the Champions League
Toni Kroos: there was always a party at Bayern after away games in the Champions League. It was annoying