logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
star Bookmark: Tag Tag Tag Tag Tag
Cambodia

អ្នកវិភាគ​មើលឃើញ “​រោគសញ្ញា​កាន់តែ​ច្រើនឡើង​នៃ​បដិវត្តន៍​ពណ៌​” នៅ​ហុងកុង​

ចែករម្លែក

​ការបដិសេធ​របស់​ចិន​ក្នុងការ​អនុញ្ញាតឱ្យ​នាវាចម្បាំង​អាម៉េរិក​ចូល​ចត​នៅ​ហុងកុង​គួរតែ​ត្រូវគេ​បកស្រាយ​ថា​ជា​ប្រតិកម្ម​ធម្មតា​ចំពោះ​ការប៉ុនប៉ង​របស់​សហ​រដ្ឋ​អាម៉េរិក​ក្នុង​ការធ្វើអន្តរាគមន៍​ក្នុង​កិច្ចការ​ផ្ទៃក្នុង​របស់​ចិន​។ នេះ​បើ​យោងតាម​ការលើកឡើងរ​ប​ស់លោក ចេង អាន​គួ​ង អ្នកជំនាញ​ម្នា​ក់នៅ​វិទ្យាស្ថាន​ទំនាក់ទំនង​អន្តរជាតិ​នៃ​សាកលវិទ្យាល័យ​ណាន​ជី​ង​។​

​ការធ្វើ​បាតុកម្ម​ទ្រង់ទ្រាយ​ធំ​នាពេល​បច្ចុប្បន្ន​នៅ​ហុងកុង​អាច​បណ្តាលឱ្យ​ខូចខាត​ដល់​សេដ្ឋកិច្ច​ក្នុង​តំបន់ ប៉ុន្តែ​ទំនងជា​មិនមាន​ផលវិបាក​ខាង​នយោបាយ​ទេ​។ នេះ​បើតាម​សម្តី​របស់លោក​អា​ឡិច​សាន់​ឌ័​រ ឡូ​ម៉ា​នូវ ប្រធាន​ស្រាវជ្រាវ​នៅ​វិទ្យាស្ថាន​ស្រាវជ្រាវ​ជាតិ​ព្រី​ម៉ា​កូវ (Primakov) នៃ​បណ្ឌិត្យសភា​សេដ្ឋកិច្ចពិភពលោក​និង​ទំនាក់ទំនង​អន្តរជាតិ​រុស្ស៊ី និង​ជា​អ្នកជំនាញ​នៅ​ក្រុមប្រឹក្សា​កិច្ចការ​អន្តជាតិ​រុស្ស៊ី​។​

​កាលពី​ថ្ងៃទី ១៤ ខែសីហា មេបញ្ជាការ លោក​ណា​តេ គ្រី​ស្ទា​ន​សិន អ្នកនាំពាក្យ​រង​របស់​កង​នាវា​ប៉ាស៊ីហ្វិក​របស់​សហរដ្ឋ​អាម៉េរិក​បាន​ជូនដំណឹង​ថា ចិន​បាន​ច្រានចោល​សំណើ​របស់​អាម៉េរិក​ដែល​សុំ​ការអនុញ្ញាតឱ្យ​នាវាចម្បាំង​របស់ខ្លួន​ចំនួន ២ គ្រឿង​ចូលមក​កំពង់ផែ​ហុងកុង​។ តាម​ការគ្រោងទុក នាវា USS Green Bay ដែលជា​នាវា​ដឹកជញ្ជូន​ខ្នាត​ធំ នឹង​ទៅដល់​ហុងកុង​នៅ​ថ្ងៃ​សៅរ៍​សប្តាហ៍​ក្រោយ ហើយ​នាវា​បំពាក់​មី​ស៊ី​ល​បញ្ជា​ទិស USS Lake Erie នឹង​ទៅដល់​កំពង់ផែ​ហុងកុង​នៅ​ខែក្រោយ​។​

​លើកចុងក្រោយ​បំផុត ដែល​នាវា​របស់​កងទ័ពជើងទឹក​អាម៉េរិក​ធ្វើ​ទស្សនកិច្ច​នៅ​ហុងកុង គឺ​នៅ​ខែមេសា​។ កាលពី​ខែកញ្ញា​ឆ្នាំមុន ចិន​មិនបាន​អនុញ្ញាតិ​ឱ្យ​នាវា USS The Wasp ធ្វើដំណើរ​ទៅកាន់​ហុងកុង​ទេ​។​

​នៅ​ដើមខែ​សីហា​នេះ រដ្ឋាភិបាល​ក្រុង​ប៉េកាំង​បាន​ទាញ​ការចាប់អារម្មណ៍​ទៅលើ​ការប្រជុំ​រវាង​អ្នកការទូត​អាម៉េរិក​នៅ​ហុងកុង​ជាមួយ​សកម្មជន​មកពី​ក្រុម​បាតុកម្ម​តវ៉ា​។​

​លើសពីនេះ​ទៀត មាន​ពាក្យ​ចចាមអារ៉ាម​ថា ជនជាតិ​អាម៉េរិក​ត្រូវគេ​មើលឃើញ​ក្នុងចំណោម​ក្រុមអ្នកតវ៉ា​។ ជាការ​ឆ្លើយតប ប៉េកាំង​បានទាមទារ​យ៉ាង​ដាច់អហង្កា​ឱ្យ​សហរដ្ឋ​អាម៉េរិក​បញ្ឈប់​ការជ្រៀតជ្រែក​ចូល​កិច្ចការ​ផ្ទៃក្នុង​របស់​ចិន​។ តើ​នេះ​ជា​ហេតុផល​សម្រាប់​ការស្ទាក់ស្ទើរ​របស់​អាជ្ញា​ធរ​ចិន​ក្នុងការ​ឃើញ​នាវា​កងទ័ពជើងទឹក​ដោត​ទង់ជាតិ​អាម៉េរិក​នៅ​ហុងកុង​?

​អ្នកជំនាញ​ចិន លោក​ចេង អាន​គួ​ង បាន​និយាយថា “​អន្តរាគមន៍​របស់​អា​ម៉េ​រិ​ក​នៅក្នុង​បញ្ហា​ហុងកុង​គឺជា​កត្តា​មួយ​ក្នុងចំណោម​កត្តា​ជាច្រើន (​នៅ​ពីក្រោយ​ការបដិសេធ​នេះ​) ប៉ុន្តែ​មិនមែន​មានតែ​កត្តា​មួយ​នេះ​ទេ​។ ស្ថានភាព​បច្ចុប្បន្ន​នៅ​ហុងកុង​គឺ​ពោរពេញ​ទៅដោយ​ល្បិចកល​ជាច្រើន​។ វា​មាន​ភាពច្របូកច្របល់​ណាស់​។ មាន​ភស្តុតាង​ច្បាស់លាស់​នៃ​ការជ្រៀតជ្រែក​របស់​អាម៉េរិក ហើយ​ប្រាកដ​ណាស់​គឺមាន​ចៅហ្វាយនាយ​អាយ៉ង​។ ដូច្នេះ ការបដិសេធ​របស់​ចិន​គឺអាច​រំពឹង​កើតឡើង គ្មាន​អី​ចម្លែក​ទេ​។ ការអនុញ្ញាតឱ្យ​នាវាចម្បាំង​អាម៉េរិក​ចូល​ចត​នៅ​ហុងកុង​គឺជា​សិទ្ធិ​អធិបតេយ្យភាព​របស់​ចិន​។ ចិន​អាច​អនុញ្ញាតឱ្យ​នាវាចម្បាំង​អាម៉េរិកាំង​ចូល​ចត​ឬ​អត់ គឺជា​សិទ្ធិ​របស់​ចិន​។ ចំពោះ​ហេតុផល​នៃ​ការហាមឃាត់​នេះ ក្រៅពី​ស្ថានការណ៍​នៅ​ហុងកុង ការបដិសេធ​មិនឱ្យ​ចូល​ចត​នេះ អាច​ត្រូវបាន​បកស្រាយ​ដោយ​បញ្ហា​បច្ចេកទេស​មួយចំនួន​។ ម្យ៉ាងទៀត ដោយសារ​សង្គ្រាម​ពាណិជ្ជកម្ម​រវាង​ចិន​និង​អាម៉េរិក បរិយាកាស​ជារួម​ក្នុង​ទំនាក់ទំនង​ទ្វេភាគី គឺ មាន​ភាព​តានតឹង​ខ្លាំង​។ សេចក្តីថ្លែងការណ៍​ប្រឆាំង​ចិន​ដោយ​សមាជិកសភា​អាម៉េរិក​និង​តំណាង​នៅ​ស្ថាប័ន​ប្រតិបត្តិ កំពុងមាន​លក្ខណៈ​កាន់តែ​លេចធ្លោ​ខ្លាំង​ឡើង​។ ដូច្នេះ​ក្នុងស្ថានភាព​នេះ គេ​មិន​ពិបាក​យល់​ពី​បំណង​របស់​ចិន​នោះទេ ក្នុងការ​បដិសេធ​នាវា​ចម្បាំង​អាម៉េរិក​ចូលមក​ហុងកុង​”​។​

​កាលពី​ថ្ងៃ​ព្រហស្បតិ៍​ទី​១៥​សីហា ចិន​បាន​ចោទប្រកាន់​សហរដ្ឋ​អាម៉េរិក​ពីបទ​ឃុបឃិត​ជាមួយ​បក្ខពួក​ឧក្រិដ្ឋកម្ម​និង​បទ​ជាប់​ពាក់ព័ន្ធ​នឹង​សកម្មភាព​ប្រឆាំងនឹង​ជន​ជាតិចិន​នៅក្នុង​ទីក្រុង​ហុងកុង​។ នេះ​បើ​យោងតាម​សេចក្តីថ្លែងការណ៍​មួយ​ដែល​ចេញ​ដោយ​ការិយាល័យ​ស្នងការ​របស់​ក្រសួងការបរទេស​ចិន​នៅ​ហុងកុង​។​

​ការចោទប្រកាន់​នេះ​ត្រូវបាន​ធ្វើឡើង​ដើម្បី​ឆ្លើយតប​ទៅនឹង​ការអត្ថាធិប្បាយ​ជាច្រើន​ដែល​ធ្វើឡើង​ដោយ​សមាជិកសភា​អាម៉េរិក​ក៏ដូចជា​អ្នកនយោបាយ​អាម៉េរិក​មួយចំនួនទៀត​ទាក់ទង​នឹង​ព្រឹត្តិការណ៍​នៅ​ហុងកុង​។​

​នេះ​ជា​សេចក្តីថ្លែងការណ៍​ទី ២ ដែល​ចេញ​ដោយ​អ្នកការទូត​ចិន​ក្នុង​រយៈពេល ២៤ ម៉ោង​។ មួយថ្ងៃ​មុននេះ​អ្នកតំណាង​ផ្លូវការ​នៃ​ក្រសួងការបរទេស​ចិន​បាន​និយាយថា​អ្នកនយោបាយ​អាម៉េរិក​តាំង​នាម​ឱ្យ​ផលប្រយោជន៍​ឯកជន​របស់​ពួកគេ បាន​ដើរតួ​ឥត​អៀនខ្មាស់​ជា​ឆត្រ​ការពារ​និង​ពាំ​នាំមក​នូវ​បាតុកម្មហិង្សា​ជ្រុលនិយម ហើយ​និយាយ​បង្កាច់បង្ខូច​និង​ចោទប្រកាន់​ក្រុមប៉ូលិស​ហុងកុង ដែល​ស្ថិតក្រោម​សម្ពាធ​ហួស​កម្រិត​របស់ខ្លួន​រួចទៅហើយ​ក្នុងការ​បន្ត​អនុវត្ត​ច្បាប់​។

​សកម្មភាព​របស់​អាម៉េរិក​បាន​នាំឱ្យ​ចិន​ចេញ​សេចក្តី​ថ្កោលទោស​ជា​ឯកច្ឆន្ទ​។ អារម្មណ៍​ជាតិនិយម​របស់​ចិន​នេះ​ត្រូវបាន​ចែករំលែក​លើ​អន​ឡាញ​ដោយ​ជនរួមជាតិ ៧ លាន​នាក់​ដែល​រស់នៅក្នុង​ទីក្រុង​ហុងកុង​។​

​មួយថ្ងៃ​មុននេះ ឯកអគ្គរដ្ឋទូត​ចិន​ប្រចាំ​រុស្ស៊ី​លោក​ចាង ហាន​ហ៊ុយ បាន​ប្រៀបធៀប​ស្ថានភាព​នៅ​ហុងកុង​ជាមួយនឹង “​បដិវត្តន៍​ពណ៌​”​។ អ្នកការទូត​រូបនេះ​បាន​និយាយ​នៅក្នុង​កិច្ចប្រជុំ​ជាមួយ​ក្រុមអ្នកកាសែត​រុស្ស៊ី​ថា “​កម្លាំង​លោកខាងលិច​គ្រប់គ្រង​វា​នៅ​ពីក្រោយ​ឆាក​យ៉ាងច្បាស់​ក្រឡែត​”​។ យោងតាម​គាត់​បានឱ្យដឹងថា ពួកគេ​ចង់​បង្កើត​ភាពវឹកវរ​ដើម្បី​ធ្វើឱ្យ​ខូច​ប្រព័ន្ធគ្រប់គ្រង​មួយ​ហៅថា “​ប្រទេសមួយ​ប្រព័ន្ធ​ពីរ​” ដើម្បី​បង្កើត​ការលំបាក​ជាច្រើន​សម្រាប់​ការអភិវឌ្ឍ​ប្រទេស​ចិន​។​

​លោក អា​ឡិច​សាន់​ឌ័​រ ឡូ​ម៉ា​នូវ ក៏បាន​កត់សម្គាល់​ផងដែរ​ថា រោគសញ្ញា​កាន់តែ​ច្រើនឡើង​នៃ​បដិវត្តន៍​ពណ៌​កំពុង​លេចចេញ​ជា​រូបរាង​នៅ​ហុងកុង​។​

​អ្នកជំនាញ​រូបនេះ​បាន​បញ្ជាក់ថា “​នេះ​គឺជា​ការចាត់តាំង​បណ្តាញ​នៃ​ការតវ៉ា​។ នេះ​គឺជា​ការតវ៉ា​ដែលមាន​លំដាប់លំដោយ ពោលគឺ​រចនាសម្ព័ន្ធ​ចាត់តាំង​ដែលមាន​ភាពបត់បែនរ​បស់​អ្នកចូលរួម ដែល​អាច​ចល័ត​ពី​កន្លែង​មួយ​ទៅ​កន្លែង​មួយទៀត​បាន​”​។ ទោះយ៉ាងណា លោក​បាន​កត់សម្គាល់ថា កុបកម្ម​បច្ចុប្បន្ន​នៅ​ហុងកុង​អាច​បង្ក​ការខូចខាត​ខ្លះ​ដល់​សេដ្ឋកិច្ច​ក្នុង​តំបន់ ប៉ុន្តែ​ទំនងជា​មិនមាន​ផលវិបាក​ខាង​នយោបាយ​ទេ​។​

​លោក​ឡូ​ម៉ា​នូវ​និយាយថា “​មិនចាំបាច់​និយាយ​ទេ នេះ​មិនមែនជា “​បដិវត្តន៍​ពណ៌​” ពិតប្រាកដ​ដើម្បី​ផ្លាស់ប្តូរ​មេដឹកនាំ​នៅក្នុង​ប្រទេស​ចិន​ទេ​។ លើសពីនេះទៅទៀត ផ្ទុយទៅវិញ​វា​ហាក់ដូចជា ឥរិយាបទ​ប្រឆាំងនឹង​ចិន​កាន់តែខ្លាំង​ឡើងៗ​របស់​ក្រុមបាតុករ​ហុងកុង បាន​នាំឱ្យមាន​ការរួបរួម​ស្នេហា​ជាតិចិន​កាន់តែខ្លាំង​។ វា​តែងតែ​កើតឡើង​នៅក្នុង​សង្គម​ចិន ដែល​ក្នុងករណី​ទាំងនោះ នៅពេលដែល​មានការ​គំរាមកំហែង​ពិតប្រាកដ​នៃ​ការបំបែកបំបាក់​ចិន ចិន​តែង​រង​ការអន្តរាគមន៍​ពី​បរទេស​”​។​

​អ្នកជំនាញ​រូបនេះ​ក៏បាន​ទាញ​ចំណាប់អារម្មណ៍​ទៅលើ​ប្រធានាធិបតី​អាម៉េរិក​លោក​ដូ​ណា​ល់ ត្រាំ​ផងដែរ ដែល​ភ្ជាប់​កិច្ចព្រមព្រៀង​ពាណិជ្ជកម្ម​ជាមួយ​ចិន​ទៅនឹង​ការដោះស្រាយ​ការតវ៉ា​នៅ​ហុងកុង​តាមរបៀប “​មនុស្សធម៌​”​។ សារ​បង្ហោះ​អំពី​រឿងនេះ​បាន​លេចចេញ​នៅលើ​បណ្តាញ​សង្គម Twitter ។​

​ប្រធានាធិបតី​ត្រាំ​ថែមទាំង​មិនបាន​បដិសេធ​នោះឡើយ​នូវ​លទ្ធភាព​នៃ​ការជួប​ជាមួយ​មេដឹកនាំ​ចិន​លោក​ស៊ី ជីន​ពីង ដើម្បី​ជា​ប្រយោជន៍​ដល់​រឿងនេះ​។ គាត់​បានសរសេរថា “​ខ្ញុំ​គ្មាន​ការសង្ស័យ​ទេ​ថា ប្រសិនបើ​លោក​ប្រធានាធិបតី​ស៊ី (​ជីន​ពីង​) ចង់​ដោះស្រាយ​បញ្ហា​ហុងកុង​យ៉ាង​ឆាប់រហ័ស​និង​ប្រកបដោយ​មនុស្សធម៌ គាត់​ច្បាស់​ជា​អាច​ធ្វើបាន​។ ជួបគ្នា​ផ្ទាល់​?”​។​

​អត្ថាធិប្បាយ​អំពី​គំនិត​ដែលថា​ប្រធានាធិបតី​អាម៉េរិក​អាច​នឹងធ្វើ​កិច្ចប្រជុំ​និង​ធ្វើ​កិច្ចចរចា​ជាមួយ​មេដឹកនាំ​ចិន​អំពី​បញ្ហា​ថ្មីៗ​ទាំងនេះ អ្នកជំនាញ​រុស្ស៊ី​លោក​អា​ឡិច​សាន់​ឌ័​រ ឡូ​ម៉ា​នូវ បាន​កត់សម្គាល់ថា ក្នុង​រយៈពេល​មួយឆ្នាំ​កន្លះ​មកនេះ លោក​ត្រាំ​បាន​បំផ្លាញចោល​ទាំងស្រុង​នូវ​ការជឿទុកចិត្ត​ទាំងអស់​រវាង​ចិន​និង​សហរដ្ឋ​អាម៉េរិក រួមទាំង​ការជឿទុកចិត្ត​ផ្ទាល់ខ្លួន​រវាង​គាត់​និង​លោក​ស៊ី ជីន​ពីង​។​

​ចរិត​របស់គាត់​ក្នុង​ការចរចា​អ្វីមួយ​ជាមួយ​មេដឹកនាំ​ចិន​និង​បន្ទាប់មក​ឧទាហរណ៍​ជាក់ស្តែង​គឺ​ការ​គំរាម​វាយ​ពន្ធ​ថ្មី គឺ​មិនអាច​ទទួលយក​បានទេ​ចំពោះ​ប្រទេស​ចិន​។ នៅក្នុង​ប្រទេស​ចិន ពួកគេ​តែងតែ​ភ្ជាប់​សារៈសំខាន់​យ៉ាងខ្លាំង​ទៅនឹង​ពាក្យសម្តី កិច្ចព្រមព្រៀង និង​ការសន្យា ដែល​ធ្វើឡើង​ដោយ​ប្រធានាធិបតី​អាម៉េរិក​។ ជាក់ស្តែង លោក​ត្រាំ​បានធ្វើឱ្យ​ចិន​ខកចិត្ត​ទាំងស្រុង​។​

​លោក​អា​ឡិច​សាន់​ឌ័​រ ឡូ​ម៉ា​នូវ បាន​និយាយថា លោក​ត្រាំ​អាចបង្កើត​បញ្ហា​បាន តែ​មិនអាច​ដោះស្រាយ​បញ្ហា​ប្រកបដោយ​ភាព​ច្នៃប្រឌិត​ទេ​៕ ដោយ៖ កញ្ញាដាលីស

បាតុករ​ហុងកុង​លើក​ទង់ជាតិ​អាម៉េរិក​អំឡុង​ការតវ៉ា​ថ្មីៗ​នេះ
All rights and copyright belongs to author:
Themes
ICO