Views: 2
ប្រែសម្រួលៈបំណង(ស្ត្រេតថែមស៍)៖ វីរុសអូមីក្រុងបំប្លែងខ្លួនចម្លងលឿនXBB.1.5ឥឡូវតំណាងអោយ៤៣ភាគរយនៃករណីឆ្លងកូវីដ១៩ថ្មីនៅសហរដ្ឋអាម៉េរិកនៅរយៈពេលមួយសប្តាហ៍ចប់ត្រឹមថ្ងៃសៅរ៍ទី១៤មករា នេះបើតាមទិន្នន័យមកពីមជ្ឈមណ្ឌលគ្រប់គ្រងនិងបង្ការជំងឺអាម៉េរិក(CDC)បានបង្ហាញកាលពីថ្ងៃសុក្រ។
នៅសប្តាហ៍ដំបូងនៃខែមករា វីរុសបំប្លែងខ្លួនរងនេះតំណាងអោយតែប្រមាណ៣០ភាគរយនៃករណីឆ្លងថ្មីនៅអាម៉េរិកតែឥឡូវវាគ្រប់គ្រងវីរុសអូមីក្រុងដៃទៀតទាំងអស់។ការឆ្លងXBB.1.5ឥឡូវមានច្រើនជាងការឆ្លងវីរុសអូមីក្រុង BQ.1.1 និង BQ.1ដែលសុទ្ធតែជាកូនឬមែកធាងរបស់អូមីក្រុងBA.5។
XBB.1.5ដែលពាក់ព័ន្ធនឹងអូមីក្រុង ឥឡូវជាវីរុសបំប្លែងខ្លួនឆ្លងខ្លាំងជាងគេបំផុត។វាជាពន្លកឬមែកធាងរបស់វីរុស XBBដែលត្រូវបានគេរកឃើញដំបូងនៅខែតុលា ដែលវាកើតចេញពីការផ្សំរវាងវីរុសអូមីក្រុងបំប្លែងខ្លួនពីរផ្សេងគ្នា។
អង្គការសុខភាពពិភពលោក(WHO)បាននិយាយនៅសប្តាហ៍នេះថា XBB.1.5អាចរុញករណីឆ្លងកូវីដ១៩កាន់តែច្រើនឡើង ផ្អែកលើលក្ខណៈសេណេទិចនិងការវាយតំលៃអំពីអត្រាកំណើនចំនួនឆ្លងដំបូងៗ។
នៅពេលគេនៅមិនទាន់ដឹងច្បាស់ថាតើXBB.1.5អាចបង្កការឆ្លងកូវីដ១៩មួយរលកថ្មីទៀតអត់ ពួកអ្នកជំនាញការនិយាយថា ការចាក់វ៉ាក់សាំងដូសជំរុញបច្ចុប្បន្ននៅបន្តការពារកុំអោយកើតជំងឺកូវីដធ្ងន់ធ្ងរ ការចូលដេកពេទ្យនិងការស្លាប់បានច្រើន។
អគ្គលេខាអង្គការWHOបានសរសេរបង្ហោះកាលពីសប្តាហ៍មុនថា អូមីក្រុងបំប្លែងខ្លួនរងនេះកំពុងបង្ហាញវត្តនៅលើពិភពលោកកាន់តែច្រើននិងត្រូវបានរកឃើញនៅ២៥ប្រទេសហើយ។
WHOនិយាយថា XBB.1.5អាចជំរុញការឆ្លងកូវីដ១៩ថ្មីផ្អែកលើលក្ខណៈសេណេទិចនិងអត្រាកំណើនរបស់វា
ក្នុងពេលជាមួយគ្នា ទីភ្នាក់ងារជំងឺរបស់សហភាពអឺរ៉ុបបាននិយាយថា អូមីក្រុងបំប្លែងខ្លួនរងXBB.1.5អាចក្លាយជាប្រភេទវីរុសកូវីដ១៩ដែលគ្រប់ដណ្តប់លើប្រភេទវីរុសកូវីដ១៩ផ្សេងៗទាំងអស់នៅអឺរ៉ុបនៅពេលតែពីរបីខែខាងមុខ។
មជ្ឈមណ្ឌលសំរាប់បង្ការនិងគ្រប់គ្រងជំងឺអឺរ៉ុប(ECDC)បាននិយាយថា ការធ្វើគំរូប៉ាន់ស្មានតាមគណិតវិទ្យាបង្ហាញថា វីរុសរងចម្លងខ្លាំងជាងគេនេះអាចក្លាយជាវុសចម្លងនាំមុខគេនៅសហភាពអឺរ៉ុបនៅមួយឬពីរខែទៀតប៉ុណ្ណោះ៕